اوشبو واقعه بوگون «دوشنبه، 13- عقرب» توشدن آلدین، پلخمری شهری نینگ دندشهاب‌الدین منطقه‌سی «اکاخیل» نامی‌ده بولگن قسمتی‌ده سراچه تیپلی بیر موتر یولده ییرلشتیریلگن ماین گه دوچ کیلگن بیرچاغده یوز بیرگن.
بغلان پولیس قومندانلیگی سوزلاوچیسی احمد جاوید بشارت نینگ سلام‌وطندارگه ایتیشیچه، بو واقعه‌ده موترده بولگن 8 تینچ اهالی هلاک و باشقه 6 کیشی یره‌لنگن.
بغلان ولایتی کسلخانه‌سی نینگ باش طبیبی محمد انور وردک نینگ ایتیشیچه، بو واقعه قربانلری گه 2 عیال، 4 باله و 2 ایرکک شامل بولگن.
اونگه کوره، اوشبو واقعه یره‌دارلری نینگ وضعیتی خواطرلی دیر.
عین دمده، بغلان خوفسیزلیک مسؤوللری نینگ ایتیشیچه، بو واقعه طالبان نینگ حاکمیتی‌ده بولگن منطقه‌ده یوز بیرگن، بیراق نیچه وقت آلدین خوفسیزلیک کوچلری «اکاخیل» منطقه‌سینی بوتونله‌ی نظارت گه آلگن‌لریدن خبر بیرگن ایدی.
طالبان گروهی حاضرگچه بو توغریده هیچ نرسه دیمه‌گن.
شو توغریده…
تخار؛ طالبان تامانیدن جایلشتیریلگن ماین نینگ پارتلشی باعث، 9 اوقووچی هلاک ایتیلگن
