.jpg)
پلخمری شهری دندغوری اوروشی رهبرلیگی‌نی قولگه آلگن مملکت ملی حربی کوچلری اورین باسری جنرال مراد علی مرادنینگ بوگون بغلانده اوتکزیلگن خبری ییغینده ایتیشیچه، مذکور منطقه‌ده یولگه قوییلگن 20 خورشید 5 کونلیک عملیات جریانیده، طالبلرنینگ قومندان‌لری شامل 37 جنگری طالب هلاک ایتیلگن و باشقه اوشبو گروه‌نینگ حربی مسؤولی شامل 21 ته‌سی یره‌لنگن.
جناب مرادنینگ ایتیشیچه، حاضر بغلان ولایتی دندغوری منطقه‌سیده طالب‌لری‌نینگ اوروشی‌نی پاکستانلیک جنرال‌لر رهبرلیک قیله‌دی و اوشبو عملیات مذکور منطقه طالب‌لردن تازه‌لنگونگه قدر دوام ایتیشی ممکن.
ملی حربی کوچلر اورین باسری‌نینگ کوپه‌یتیریشیچه، هلاک ایتیلگن جنگری طالبلر ایچیده، چیت ایللیک‌لر هم موجود و حاضرگچه اولرنینگ کیم‌لیگی معلوم بولمه‌گن.
.jpg)
بغلان ولایتی دندغوری منطقه‌سیده یولگه قوییلگن 20 خورشید عملیاتی، مذکور منطقه قورال‌لی طالب‌لردن تازه‌لش نیتی‌ده باشلنگن و حاضرگچه دوام ایتماقده.
بغلان امنیتی رسمی‌لریگه کوره، حاضرگه قدر، اوشبو عملیات‌ده اونلرچه قیشلاق جنگری طالب‌لردن تازه‌لنگن.
عین حالده، قورال‌لی طالبلر سوزلاوچیسی ذبیح‌الله مجاهد میدیاگه یوبارگن خبرنامه‌سیده ادعا قیلیشیچه، اوشبو عملیات‌ده حاضرگچه امنیتی کوچلردن 26 عسکرنی اولدیرگن‌لر.
