پلخمری سیلوسیدن بیر منبع نینگ سلام‌وطندارگه ایتیشیچه، یاردم بیرووچی نهادلر و بغلان محلی مسووللری آره‌سیده اوتکزیلگن ییغینده نیازمند و آواره‌گه توزیع ایتیلیشی اوچون 170 تُن بوغدای بغلان ولایتی کینگش باشلیغی و اعضالریگه تاپشیریلگن.
بیراق، آواره بولگن و نیازمند عیاله‌لردن بیرقطاری نینگ ایتیشیچه، بوغدای قولگه کیریتیش اوچون نیچه مرته ولایتی کینگش مسووللریگه مراجعت قیلگنلر، بیراق حاضرگه‌قدر بوغدای قولگه کیلتیرمه‌گن‌لر.
اولرنینگ ایتیشیچه، ولایتی کینگش اعضالری مذکور بوغدای‌دن بیر مقدارینی قوروقچی‌لریگه توزیع قیلیب و باشقه بیر بولیمی‌نی بازارگه ساتگنلر.
عابده ایکی فرزندینی قولدن بیرگن. اونینگ ایتیشیچه، یاردم قولگه کیلتریش اوچون حجتی بار، بیراق ولایتی کینگش مسووللری یاردم بیریمه‌یدیلر.
بیراق، بغلان ولایتی کینگش اعضاسی شاع جهان ایوبی نینگ اوشبو ادعالرنی رد قیلیب ایتیشیچه، اولر بوتون بوغداینی نیازمند عایله‌لرگه یاردم بیرگنلر.
جناب ایوبی‌گه کوره، حجتی بولگن و نیازمند کیشی‌لرگه بوغدای توزیع قیلینگن.
بغلان ولایتی بوییچه قاچقین‌لر ریاستی باشلیغی شریف‌الله شفق نینگ ایتیشیچه، سونگی اوروشلر باعث، بغلان ولایتیدن 30 مینگ عایله آواره بولگن.
جناب شفق گه کوره، ولایتی کینگش حاضرگه‌قدر آواره بولگن‌لرنینگ رویخطی‌نی اولردن ایستمه‌گن.
