بریتانیا یشاوچی‌لری، پنج‌شنبه کونگی رفرندم‌ده حضور کیلتیریب و مذکور مملکت اروپا بیرلیگی‌دن چقیشی‌گه آواز بیرگن‌لر. آوازلرنی حسابلش یکونلنگنی‌دن آواز بیرگن‌لردن 52 فایزی- 17 میلیون‌دن آرتیق کیشی، اروپا بیرلیگی‌دن بریتانیا چقیشی‌نی سوره‌گن‌لر.
دیمک، بریتانیا اروپا بیرلیگی‌دن چیقگن صورتده، اوشبو مملکت باش وزیری دیدید کامرون استعفا بیره‌دیمی دیگن سوراق جوابی‌گه بریتانیا مستقل حزبی‌نینگ رهبری نایجل فراج‌نینگ ایتیشیچه، جناب کامرون تیزلیک‌ده استعفا بیریشی لازم. بریتانیا باش وزیری، اروپا بیرلیگی‌ده بریتانیا قالیشی‌نی ایسته‌یدی.
بریتانیا مستقل حزبی‌نینگ رهبری، جناب کامرون و بریتانیانینگ سابق باش وزیرلری گوردن براون و تونی بلیرنی مسؤولیتی خصوصیده، بی‌فرق یانده‌شیش‌گه عیب‌لب ایتیشیچه، اولر مملکت دروازه‌لرینی مهاجرلر و قاچقین‌لر یوزیگه آچیب، بریتانیا یشاوچی‌لری‌نی قیین‌چیلیک‌که دوچ کیلتیرگن.
الجزیره ترماغی‌نینگ ایتیشیچه، اوشبو رفرندم، پوند ارزشی‌نی امیریکه دالری برابریده جدی شکلده کمه‌یتیرگن؛ ایتیلیشیچه، 1985 دن بویان، پوند ارزشی بونده‌ی بیرشکلده قویی کیلیشی تکرارسیز بولگن.
بریتانیا حکومتی و اوشبو مملکت ییریک سیاسی حزب‌لری، مذکور مملکت اروپا بیرلیگی‌ده قالیشی خصوصیده، کوپلب تبلیغ قیلدی، بیراق رفرندم نتیجه‌سیگه قره‌گنده، بریتانیا خلقی، اروپا بیرلیگی‌دن چقیش‌گه جدی قرار قیلگن.
اوشبو رفرندم‌گه بریتانیا خلقی‌دن چمه‌سی 70 فایزی اشتراک ایتگن، بو جمله‌دن کمیده 18 میلیونی اروپا بیرلیگی‌دن چیقیشی‌گه آواز بیرگن‌لر و باشقه کمیده 17 میلیون کیشی قالیشی‌گه آواز بیرگن‌لر.
ایتیش لازم، بریتانیا اروپا بیرلیگی‌دن چیقه‌دیگن بیرینچی مملکت دیر. سونگی قیین‌چیلیک‌لرنی حل ایتیش خصوصیده، اروپا بیرلیگی یوتوق‌سیزلیک‌لری، روسیه حربی‌سی ییترلیچه یوکسلیشی، 2008- ییل اقتصادی قیین‌چیلیک و قاچقین‌لر قیین چیلیگی، اوشبو بیرلیک‌نی کوپینچه قیین‌چیلیک و چیگل‌لیک‌لرگه روپه‌ره قیلگن.
