برقرارلیک و خوفسیزلیک کینگشی نینگ رهبرلیک هیأت اعضالری نینگ ایتیشیچه، سیلاو کمیسیونی ایرکین‌لیگی‌نی سقلب قاره آوازلرنی آق آوازلردن اجره‌تیب و سیلاو نتیجه‌سینی شفاف شکلده اعلان قیلیشی کیره‌ک.
مذکور کینگش، سیلاو تیم‌لریدن نامعقول بیاناتلردن باش تارتیب و شفاف نتیجه اعلان ایتیلیشی گه تَن بیریش‌لرینی سوره‌گن.
بوگون «چهارشنبه» کابل‌ده خبری بیر ییغینده نطق سوزلگن برقرارلیک و خوفسیزلیک کینگشی نینگ رهبرلیک هیأت اعضاسی و سوزلاوچیسی مسعود ترشتوال نینگ ایتیشیچه، سیلاو کمیسیونلری شفافیت و سیلاو طرفسیزلیگی گه جدی شکلده دقت قیلیب و ایرکینلیک بیلن عمل قیلیش‌لری کیره‌ک.
جناب ترشتوال، سیلاو کمیسیونلری نینگ ایشلرینی بیر آز قانیقرلی بیله‌دی، بیراق ایتیشیچه، بو کمیسیونلر قاره آوازلرنی آق آوازلردن توغری و دقیق شکلده اجره‌تیشی لازم.
اونینگ ایتیشیچه، سیلاو نتیجه‌سی اعلان ایتیلیش جریانیده سیاسی دلیل‌لرگه نسبتن حقوقی دلیل‌لرگه کوپراق دقت قیلینیب و سیلاونینگ شفاف نتیجه‌سی تیزلیک‌که اعلان قیلینیشی کیره‌ک.
مسعود ترشتوال نینگ کوپه‌یتیریشیچه، سیلاو نتیجه‌سی بوتون نامزدلر تامانیدن قبول قیلینیب و کیله‌جک‌ده ایجاد ایتیله‌دیگن حکومت‌ده بوتون کادرلرگه سهم بیریلیشی لازم.
بوندن آلدین، سیاسی حزبلر، سیاستچی‌لردن بیرقطاری و دنیا جماعه‌چیلیگی جمهورلیک ریاست سیلاوی نینگ نامزدلری و سیلام تیم‌لریدن تعیین ایتیلگن زماندن آلدین مؤفقیت‌لرینی اعلان قیلمه‌ی، بیر-بیراوی نینگ عیب‌لش‌دن باش تارتیب و سیلاو نتیجه‌سینی قبول قیلیش‌لرینی سوره‌گن ایدی.
شو توغریده…
سیلاو آوازلری نینگ نتیجه‌لری درمالوگ شرکتی تامانیدن مدیریت قیلینه‌دی
