بوگون «یکشنبه» برشنا شرکتی و مرکزی بانک باشلیغ‌لری‌نینگ آره‌سیده عامه ایشانچ‌لرینی رویخط‌گه آلیش سیستم‌دن فایده‌لنیش همکارلیک کیلیشوونامه‌سی امضاءلندی.
مرکزی بانک باشلیغی خلیل‌الله صدیق‌نینگ ایتیشیچه، اوشبو کیلیشوو اساسیده، برشنا شرکتی‌نینگ برق پولی‌نی تعیین ایتیلگن زمانیدن تول‌له‌گن مشتری‌لرینی برچه معلوماتی مذکور سیستم‌ده رویخط‌گه آلینه‌دی و بو کیشی‌لر بانک‌لر یا-ده مالی اداره‌لردن قرضه آلماقچی بولسه قولی‌لیک‌ده قرض آلیب بیله‌دیلر.
برشنا شرکتی باشلیغی امان‌الله غالب نینگ ایتیشیچه، اوشبو کیلیشوونامه ایکی تامانلمه شکلده مرکزی بانک و برشنا شرکتی منفعت ییتکیزه‌دی.
مرکزی بانک باشلیغی‌نینگ ایتیشیچه، دنیا بانکی‌نینگ گزارشی اساسیده، افغانستان مالی نقطه‌ی نظردن قولی‌لیک‌ده قول تاپیش بولیمی‌ده 105- درجه‌ده قرار تاپگن و بو بولیم‌ده عامه ایشانچ‌لرینی رویخط‌گه آلیش سیستم‌دن فایده‌لنیلگن صورتده، یخشی درجه گه ییتیشی ممکن.
مرکزی بانک مسؤوللریگه کوره، عامه ایشانچ‌لرینی رویخط‌گه آلیش سیستم‌دن فایده‌لنیلگن صورتده، مذکور بانک مملکت‌نینگ برچه اقتصادی فعالیت‌لرینی کوپه‌یتیره‌دی و بانک‌لر اهالی گه قنچه قرضه بیرسه، اقتصاد اوشنچه رشد قیله‌دی.
شونینگدیک، مرکزی بانک کیله‌جک‌ده عامه ایشانچ‌لرینی رویخط‌گه آلیش سیستم‌دن فایده‌لنیش کیلیشوونامه‌سی‌نی مخابرات‌نی کوزه‌تووچی اداره یا-ده اترا بیلن امضاء قیلیشی ممکن.
