اوتگن کون آیسا یا افغانستان‌ده سرمایه یاتقیزیشنی حمایت قیلووچی اداره، مملکت صنعتچی‌لر برق معماسی همده مذکور صنعتچی‌لرگه برق ترقه‌تیش جریانی یخشی‌له‌نیشی اوچون برشنا شرکت مسؤول‌لری بیلن صحبت قیلگن.
ییغین‌ده افغانستان برق شرکتی (برشنا) رییسی، سونگی ییل‌لرده برشنا شرکتی افغانستان صنعچی‌لری اختیاریگه قویگن برق نینگ حجمی باره‌سیده ایتیشیچه، بوندن بویان افغانستان‌ده ایشلب چیقاریله‌دیگن محصولات صنعتچی‌لری اوچون ارزان نرخده برق ترقه تیله‌دی.
شونینگ‌دیک برشنا شرکت رییسی صنعتچی‌لرگه قُولی‌لیک یره‌تیلیشی اوچون برشنا شرکتی ییگیرمه مگاوات برق ایشلیب چیقاره‌دیگن ترانس‌فارمر فعال ایتیلیشی‌نی ایتگن. مذکور ترانس‌فارمر ایکی آی ایچی‌ده ایش‌گه سالینه‌دی.
ییغین‌ده سوزله‌گن سرمایه یاتقیزیشنی حمایت قیلووچی اداره رییسی محمدقربان حق‌جونینگ ایتیشیچه، مملکت‌ده‌گی ییگیرمه ییتی صنعتی پارک‌دن فقط بیش ته‌سی دولت‌نینگ برقی‌دن فایده‌لنه‌دی. شونینگ‌دیک جناب حق‌جو ایچکی محصولات‌لر ایشلب چیقاریلیشی اوچون برشنا شرکتی صنعتچی‌لرگه برق بهاسی‌نی ارزان نرخده نظرده توتگن‌لیگینی خوش قرشیله‌گن.
شونینگ‌یک حق‌جو مملکت اوچون برق یره‌تیب بیره‌دیگن شرکت‌دن صنعتچی‌لر اوچون مخصوص برق ترقه‌ته‌دیگن ایرکین برق ترماغی ایجاد ایتیب بیریش‌نی سوره‌گن.
ایتیلیشیچه، هنوزگچه هم کوپینچه صنعتی پارک‌لر ییش اویلرگه اوخشیدی. برشنا شرکتی‌نینگ مسؤول‌لریگه کوره، هر شرایط‌ده صنعتچیلرنی حمایت قیلیب، کوچلی برق‌نی ارزان نرخده افغانستان بولر اختیاریگه قوییش‌گه تیارلر.
