د بدخشان د بهارک ولسوال محمدعظیم موسوی سلام وطندار ته وویل، د دې ولایت د وردوج او یمګان او د جرم ولسوالۍ ځېنو سیمو د ښوونځیو زدهکوونکي لهدې ولسوالیو تښتېدلي او بهارک ولسوالۍ ته تللي دي.
وردوج او یمګان ولسوالۍ له دوو کالو راهیسې ناامنه شوېدي.
د ښاغلي موسوي په خبره، د بهارک ولسوالۍ زدهکوونکي له سلاوو او پوځي یونفورم سره ټولګي ته حاضرېږي. دی اندېښنه ښيي چې دا زدهکوونکي به ښوونیزه فضا په بشپړ ډول خرابه کړي.
د بدخشان د پوهنې رییس روحالله محقق هم په بهارک ولسوالۍ کې د وسلهوالو زدهکوونکیو پر موجودیت انېښمن دی او وايي چې پهدې اړه یې ولایتي ادارې او امنیتي ارګانونو ته خبر ورکړیدی.
د بدخشان د پوهنې رییس زیاتوي چې ځايي ادارې پوهنې ریاست سره ژمنه کړې چې په روان لمریز کال کې به ټولګیو ته د وسلهوالو زدهکوونکیو د ورتګ مخه ونیسي.
د بدخشان ولایت امنیې قوماندان عبدالخالق اقسای بیا فکر نهکوي چې د ملي پولیسو، محلي پولیسو او یا ولسي پاڅونوالو کسان دې له وسلو سره درسي ټولګیو ته د لیکو لوست لهپاره ورشي.
ښاغلی اقسای وویل، که رښتیا همدا ډول وي؛ په درسي ټولګیو کې د وسلهوالو کسانو موجودیت څېړي او د ستونزې پرمهال به د بهارک ولسوالۍ امنیې قوماندانۍ ته خبر ورکړي چې ښوونځیو ته د وسلهوالو زدهکوونکیو د ورتګ مخنیوی وکړي.
بهارک ولسوالۍ د وردوج، یمګان او د جرم ولسوالیو نه د راکډو شویو خلکو له امله نظامي رنګ اخیستی او درسي ټولګیو ته د نظامي زدهکوونکیو ورتګ اندېښنې نورې هم ډېرې کړېدي.
