بدخشان ولایتیده کیم‌لیک فورمه‌سی بولمه‌گنی، اوشبو ولایت محلی رسمی‌لر و ولایتی کینگش اعضالرینی خواطرگه سالگن.
بدخشان ولایتیده جمعیت‌نی رویخط‌گه آلیش ادارهسی مسؤولی حبیب‌الرحمان حبیب‌نینگ سلام‌وطندارگه ایتیشیچه، ایچکی ایشلر وزیرلیگی‌دن 150 مینگ کیم‌لیک فورمه‌سی ایسته‌گن ایدیک، بیراق حاضرگچه 70 مینگ فورم اوشبو ولایت‌گه یوباریلگن و بو موضوع کیم‌لیک ترقه‌تیش لایحه گه قرشی کوپینچه قیین‌چیلیک‌نی اورته‌گه چیقارگن. جناب حبیب‌نینگ ایتیشیچه، 15 کون آلدین اوشبو ولایت‌ده کیم‌لیک فورمو یکونلنگن، لیکن حاضرگچه هیچ قنده‌ی فورم قولگه کیریتیلمه‌گن.
نماینده‌لر کینگشی اعضاسی فوزیه کوفی‌نینگ ایتیشیچه، بدخشان ولایتی‌نینگ جمعیتی‌گه قره‌گنده اوشبو ولایت گه یوباریلگن فورم‌لر کم دیر. حکومت اوشبو توغریده جدی توجه قیلمه‌گن حالده سیلاولر سلامت لیگی سوراق آستیده قرار تاپه‌دی.
بیراق بدخشان ولایت کینگشی اعضاسی عبدالله ناجی نظری‌نینگ ایتیشیچه، حکومت قصدا اوشبو ولایت‌که کیم‌لیک فورم‌سی نی کم یوبارگن. اونینگ ایتیشیچه جمعیتی بدخشان ولایتی‌نینگ جمیعیت دن کم بولگن ولایت لرده 200 دن 300 مینگ گچه کیم‌لیک فورم‌سی یوباریلگن بیراق بدخشان گه 70 مینگ کیم‌لیک فورم‌سی ایترلی ایمس.
عین‌حالده بدخشان محلی رسمیلری‌نینگ ایتیشیچه، کاغذی کیم‌لیک‌لرنینگ توزیع ایتیلیش لایحه‌سی باشلنگن دن حاضرگچه شرایط که ماس بولگن 95 مینگ کیشی گه کیم‌لیک توزیع ایتیلگن و اوشبو جمله‌دن 46 مینگ فورم ایرکک‌لر و 49 مینگ فورم ایسه عیاللرگه اختصاص بیریلگن.
