.jpg)
بدخشان ولایتی‌نینگ بنگی‌وار ماده لرگه قرشی کوره‌ش اداره مسووللرینینگ ایتیشیچه، مذکور ولایت ارگو تومنی‌ده کوکنارنی نابود قیلیش لایحه باشنلگن دن بویان نیچه مرته مردمی کوچ‌لر، محلی پولیس و ناتانیش قورالی کیشی‌لر مقاومت‌لری بیلن روپهره بولگن‌لر.
بدخشان ولایتی‌نینگ بنگی‌وار ماده لرگه قرشی کوره‌ش اداره باشلیغی محمدقاید افندی‌نینگ سلام‌وطندارگه ایتیشیچه، کوکنارنی نابود قیلیش تیم ایکی کون دن بویان مذکور ولایت ارگو تومنی‌نینگ کوچ‌خم و چهاردره منطقه‌سیده محلی قورالی کیشی‌لر مقاومتی بیلن روپهره بولگن.
جناب افندی گه کوره، سابق لرده دولت قورالی دن خوفسیزلیک نی تامین‌لیش گه فایده‌لنیله‌ریدی، بیراق حاضرده دولت لایحه سیگه قرشی فایده‌لنیله‌دی.
بیراق بدخشان ولایتی‌نینگ بنگی‌وار ماده لرگه قرشی کوره‌ش پولیس کوچلرنینگ اورین باسری نثار احمد جهان‌گیرنینگ ایتیشیچه، بنگی‌وار ماده لرگه قرشی کوره‌ش تیمی نی هدف آستیگه قرار بیرگن گروه حاضرگچه تانیلمه‌گن. اونینگ ایتیشیچه، اوشبو واقعه عامل‌لرینی قولگه آلیش اوچون سعی و حرکت لرنینگ دوامی بار.
بدخشان پولیس قومندانی محمدصابر آرین، محلی پولیس کوچ‌لری‌نینگ بنگی‌وار ماده لرگه قرشی کوره‌ش تیمی اوستیگه هجوم قیلگنی نی رد قیله‌دی. اونینگ ایتیشیچه، بونگه آخشش هجوم‌لر کوکنار نی نابود قیلیش اوچون پولیس اراده سیگه سلبی تاثیر قویمیدی.
بدخشان ولایتی‌نینگ بنگی‌وار ماده لرگه قرشی کوره‌ش اداره مسووللرینینگ ایتیشیچه، دولت نظارتی‌گه بولگن منطقه‌لرده اولرنینگ اوستیگه هجوم بولگن و طالبان گروهی‌نینگ اوشبو منطقه لرده هیچ‌قندی فعالیتی یوق دیر. مذکور مسوول‌لرگه کوره، کوکنار نی نابود قیلیش لایحه باشلنگن دن حاضرگه‌‌قدر 200 هکتار ییر کوکنار دن تازه‌لنگن.
