بدخشان ولایتی‌نینگ کشم تومنی چوکی‌ده یوزبیرگن پارتلش نتیجه‌سیده، 9 کیشی هلاک بولیب و باشقه 35 کیشی یره‌لنگن؛ اوشبو واقعه‌ده قربان بولگن‌لرنینگ برچه‌سی تینچ اهالی دییله‌دی.
حاضرگه‌قدر، اوشبو هجوم مقصدی کیشی یا-ده قیسی بیر اداره بولگنی بیللی ایمس؛ بیراق بدخشان حاکمی فیصل بیگزادنینگ ایتیشیچه، واقعه یوزبیریشی‌دن آلدین، ولایت مقامی موترلری چوک‌دن اوتگن ایکن.
بیراق، محل یشاوچی‌لری‌نینگ ایتیشیچه، پارتلاوچی ماده بیر موتور سایکل‌ده جایلشتیریلگن ایکن و اولرنینگ ایتیشیچه، موتور سایکل پارتله‌شی نتیجه‌سیده، 60 دن آرتیق کیشی هلاک بولگن و شونینگ‌دیک، باشقه بیرقطار کیشی یره‌لنگن.
اوشبو پارتلش، دوشنبه کون یوزبیرگن و دوشنبه کونی چوک منطقه‌سی جوده هم گاوجوم بوله‌دی.
سلام‌وطندار خبرچیسی‌نینگ ایتیشیچه، واقعه‌ده یره‌لنگن‌لرنی بیرقطاری‌نینگ احوالی جوده هم آغیر بولگن.
