بدخشان محلی رسمی‌لری‌نینگ ایتیشیچه، اوشبو ولایت ملی خوفسیزلیک ریاستی بدخشان مرکزی فیض‌آباد شهری‌نینگ یتینچی ناحیه‌سیده‌گی مسجدلردن بیریسی‌نینگ امامی نی ترورچیلیک فعالیت‌لرگه عیبلب اوشلب آلگن.
سلام‌وطندارگه صحبت بیرگن بدخشان حاکمی سوزلاوچیسی نیک‌محمد نظری‌نینگ ایتیشیچه، درایم تومنی‌نینگ یشاوچیسی بولگن مولوی نورالحی نیچه پیت‌دن بویان فیض‌آباد شهری‌نینگ یتینچی ناحیه‌سیدگی بیر مسجدگه امام صفتیده ایش قیلیب و طالبان گروهی بیلن علاقه قوریش خصوصیده عیبلب قولگه آلینگن.
بدخشان حاکمی‌نینگ سوزلاوچیسی‌گه کوره، اوشبو ولایت‌نینگ ملی خوفسیزلیک ریاستی مذکور کیشی نی ایکی قورال بیلن قولگه آلگن.
