بدخشان ولایتی بوییچه بنگیوارمادهلرگه قرشی کوره‌ش ریاستی باشلیغی محمدقاید افندی نینگ ایتیشیچه، هر ییل بیرلشگن ملت‌لر تشکیلاتی نینگ جنایت‌لر و بنگی‌وار ماده‌لرگه قرشی کوره‌ش سازمانی، یاردم بیره‌دیگن اداره‌لر و امنیتی کوچلر همکارلیگی آرقه‌لی، کوکنار ایکینی‌نی تخریب قیلیش لایحه‌سی عملی ایتیله‌ریدی، بیراق جاری ییلده بیرلشگن ملت‌لر تشکیلاتی نینگ همکارلیگی کیسیلگنی باعث، کوکنار کیکینی‌نی بوزیش برنامه عملی ایتیلمه‌گن.
بدخشان ولایتی بوییچه بنگی‌وار ماده‌لرگه قرشی کوره‌ش ریاستی باشلیغی‌گه کوره، اوشبو ولایت ایکینچی‌لری 5500 هکتار ییردن کوکنار حاصلاتی‌نی توپله‌گن‌لر.
بدخشان ایکینچی‌لریدن بیری بحرالدین نینگ ایتیشیچه، ایکینچی‌لردن کوپ قطاری کوکنار حاصلاتی‌نی توپله‌گن‌لر و حاضرده هم بدخشان بیرقطار تومن‌لریده بو لایحه‌نی دوامی بار.
شوتوغریده…
بدخشان مدنی فعاللریدن بیرقطاری نینگ ایتیشیچه، اوشبو ولایتده بنگیوارمادهلرگه قرشی کوره‌ش ریاستی کوکنارنی نابود قیلیش خصوصیده موفق بولمه‌گن و انه‌شو سبب، کوکنار ایکینی کوپه‌یب بارماقده.
بدخشان پولیس قومندانلیگی سوزلاوچیسی ثناالله روحانی نینگ سلام‌وطندارگه ایتیشیچه، ناتینچلیک‌لر کوپه‌یشی و امنیتی کوچلرنی دولت‌گه قرشی قوراللی گروه‌لر بیلن اوروشیش‌گه مصروف بولگنی باعث، کوکنار ایکینی‌نی بوزیش لایحه یخشی صورتده عملی ایتیلمه‌گن.
بدخشان ولایتی بوییچه بنگی‌وار ماده‌لرگه قرشی کوره‌ش ریاستی مسووللری نینگ ایتیشیچه، اوتگن ییل کمیده 6 مینگ هکتار ییرده اوشبو ولایتده کوکنار ایکیلگن ایدی و بوجمله‌دن 3 مینگ هکتار ییرده بولگن کوکنار ایکینی بوزیلگن ایدی؛ بیراق جاری ییلده بو اداره 5500 هکتار ییردن 1 مینگ هکتارینی هم نابود قیلیش‌گه موفق بولمه‌گن.
شوتوغریده…
