.jpg)
بامیان ولایتی محلی رسمی‌لری‌نینگ ایتیشیچه، کیین‌مه کیین قورغاقچیلیک، ساووق هوا، اوتیشی قیین یوللر و ایکینچی ییرلر محصولاتی کم‌لیگی باعث، افغانستان مرکزی منطقه‌لری اینیقسه بامیان یشاوچی‌لریدن کمیده 50% قشاقلیک‌ده یشه‌یدی.
اوشبو رسمی‌لرنینگ ایتیشیچه، مذکور ولایت یشاوچی‌لری نه فقط قشاق، بلکیم آچلیک‌دن قینَله‌دی و اوزاق منطقه‌لرده‌گی یشاوچی‌لردن بیرقطاری قربان بولیشی ممکن.
افغانستان مرکزی بامیان یشاوچی‌لریدن کوپینچه‌سی‌نینگ ایشی ایکینچیلیک دیر و هوا وضعیتی اوزگریشی اولرنینگ حیاتی‌گه کوپلب تأثیر تشله‌گن.
.jpg)
بوگون (دوشنبه، 10 حوت) بامیان مرکزی‌ده بیرلشگن ملت‌لر تشکیلاتی‌نینگ باله‌لر صندوقی (یونیسیف) اداره‌سی‌نینگ انسان دوست‌لیک یاردملری ترقه‌تیلیش چاغیده بامیان والیسی‌نینگ اورین باسری محمد آصف مبلغ‌نینگ ایتیشیچه، بامیان خلقی‌گه بیریله‌دیگن یاردملری اوتگن ییل‌لرگه قره‌گنده بو ییل کمه‌یگن و حکومت‌دن مذکور ولایت‌نینگ نیازمندلری اوچون آرتیقچه یاردم اجره‌تیشینی سوره‌دی.
جناب مبلغ‌نینگ ایتیشیچه، حکومت، نیازمند کیشی‌لر اوچون، انسان دوست‌لیک یاردم‌لرنی کوزگه توتیب و اولرنی قشاقلیک‌دن اوتکزیشی لازم.
شونینگ‌دیک، بامیان ولایتی بوییچه یونیسیف دفتری‌نینگ باله‌لر بولیمی مسؤولی داکتر نیک محمدنینگ ایتیشیچه، اوشبو یاردم‌لر بامیان مرکزی‌ده 1750 قشاق عایله‌گه ترقه‌تیله‌دی.
.jpg)
بوگون یونیسیف تشکیلاتی‌دن یاردم قولگه کیریتگن کیشی‌لردن بیری خانم حبیبه‌نینگ ایتیشیچه، قشاقلیک باعث، ینگی‌لیک‌ده عایله‌سی‌نینگ تورت اعضاسی بیلن کابل‌دن بامیان کیلگن. اِیری کسل و بامیانده هم کرایی اُویده یشه‌یدی.
عیال‌لردن باشقه بیری حوریانینگ ایتیشیچه، عایله‌سی‌نینگ بیش اعضاسی بار و بونده‌ی یاردم‌لر اونینگ قشاق عایله‌سیگه کمک قیله‌دی.
