بامیان و دایکندی ولایتیده کانکور سیناوی یولگه قوییلگن بیر چاغده، بامیان یشاوچیلریدن اونلرچه‌سی بیر ناراضلیک نمایش یولگه قوییب مملکت بیلیم یورت‌لری نینگ اساسی رشته‌لری سهیمه‌بندلیگی لغو ایتیلیشی نی سوره‌گنلر.
بامیانلیک اعتراضچیلر ملی بیرلیک حکومتدن تنقید قیلیب و کانکور سهمیه‌بندلیگی لغو بولیشی و 500 کیلوولت برق بامیان-میدان وردک‌دن اوتیشی نی سوره‌گنلر.
بامیانلیک اعتراضچیلر بغلان یشاوچیلری نینگ یولگه قویگن ناراضلیک نمایشی‌دن حمایت بیلدیریب ایتیشلریچه، حکومت انسانی حقلرگه ارزش بیرمه‌یدی و مدنی حرکتلرنی نابود قیله‌دی.
اعتراضچی‌لردن بیریسی عبدل دانشیارنینگ ایتیشیچه، ملی بیرلیک حکومت نینگ مرکزی ولایتلر حقیده قیلگن ایشلری تبعیضلی دیر. اونگه کوره، حکومت مذکور ولایتلرده بیلیم رواجلنیشی آلدی نی آلیش اوچون حرکت قیله‌دی.
شونینگدیک، کانکور سیناوی اشتراکچی‌لریدن قطاری نینگ ایتیشیچه، سیناو تنیق شکلده یولگه قوییلگن، بیراق کلیدی رشته‌لر انجنیرلیک، طب، حقلر سیاسی بیلیم‌لر، اقتصاد، کمپیوتر ساینس و… 25 فایزی سهمیه‌بندلیک بولگن و اوشبو موضوع اولرنینگ ایسته‌گن رشته‌لریگه چیقیشی نی قیین قیلگن.
شو توغریده:
کانکور سیناوی سهمیه‌بندلیک ریجه‌سی قانون گه قرشی دیر
عالی اوقوو وزیرلیگی: کانکور ولایت‌لرنی نفوذی اساسیده سهمیه‌بندلیک بولمه‌یدی
کانکور سیناوی اشتراکچی‌لریدن مهدی و محمدعلم نینگ ایتیشلریچه، بیرینچی تنله‌گن رشته گه چیقیش اوچون ایشانمیمیز، بیزلرنینگ بیرینچی تنله‌گن رشته‌میز حکومت تامانیدن سهمیه‌بندلیک رشته‌لرگه تیگیشلی دیر.
اولرنینگ کوپه‌یتیریشیچه، اونملی رشته‌لرگه بامیان نینگ سهمی کم دیر، بیراق مذکور رشته‌لر اوچون ایستک کوپ دیر.
عین حالده، بامیان کانکور سیناوی نینگ یولگه قوییش باشلیغی روضة‌الله مجید کانکورنینگ سهمیه‌بندلیگی نی رد قیلیب ایتیشیچه، بو ییل کانکور سیناوی باشقه ییل‌لر کبی یولگه قوییله‌دی و رشته‌لرنینگ کودی گه هیچ قندی اوزگریش کیلمه‌گن.
ایتیش کیره‌ک کیم، کانکور سیناوی بوگون ایرته‌لب 4990 کیشی نینگ اشتراکی بیلن 3 کون گه قدر بامیان ولایتیده یولگه قوییلدی و اوشبو سیناو دایکندی ولایتیده 4038 کیشی نینگ اشتراکی بیلن باشلنگن و ایکی کون گچه دوام تارته‌دی.
