بامیان ولایتی کیله‌سی پنجشنبه و جمعه کونلری «اوچینچی دمبوره فیستوالی» گه میزبانلیک قیلیشی خصوصیده قرار قیلینگن ایدی، بیراق «بامیان مرکزی ده شیعه عالملر کینگشی» اوتگن کوندن بویان نیچه اعلامیه نشر قیلیب و بو فیستوال نی دینی تعلیمات‌لرگه قرشی بیلیب و یولگه قوییلیشی‌نی قاره‌لشگن.
بامیان مرکزی شیعه عالملر کینگشی نینگ اعضالری، مذکور ولایت اهالیسی دن بو فیستوال ده اشتراک قیلمس‌لرینی سوره‌گن.
مذکور ولایتده دین عالم‌لریدن بیری میثم احمدی نینگ سلام‌وطندارگه ایتیشیچه، بامیان «دارالمؤمنین» آتی گه شهرت قازانگن و بو ولایتده دمبوره فیستوالی یولگه قوییلیشی مناسب ایمس دیر.
اوشبو دین عالمی دمبوره فیستوالی گه علاوه ایپک یول فیستوالی و بودا بیلن بیر کیچه نی هم دینی تعلیمات لرگه قرشی دیگن.
بامیان مرکزی شیعه عالملر کینگشی تامانیدن نشر قیلینگن اعلامیه‌ده کیلیشیچه، «بو ایش بوتون عالملر و تقلیدی منبع‌لرنینگ نظری اساسیده، کیسکین حرام دیر؛ شونینگدیک، خرسندلیک، ترورچیلیک‌که قرشی کوره‌ش، اقتصادی ترقیقات، صنعت و صنعتچی‌لردن حمایت قیلیش بهانه‌لری اونگه مشروعیت بیره آلمه‌یدی.»
بیراق، بامیان حاکمی محمدطاهر زهیر، مملکت مستقللیگی نینگ یوز ییل‌لیگی‌دن نشانلش ییغینده، دمبوره فیستوالی یولگه قوییلیشی اوستیگه تأکیدلگن.
جناب زهیر، بامیان مرکزی شیعه عالملر کینگشی نینگ مناظره گه چقیریب و ایتیشیچه، حاضرگه‌قدر هیچ بیر دینی متن، حدیث و روایت ده دمبوره حراملیگی توغریسیده اوقیمه‌گن.
بامیان حاکمی، دمبوره فیستوالی یولگه قوییلیشی دن مقصد، مذکور ولایتده سیاحتچی‌لرنینگ میزانی آشیشی دیب ایتیشیچه، بامیان اهالیسی دن 61% قشاقلیک‌ده حیات کیچیره‌دی و بامیانلیک‌لرنینگ اقتصادی یخشی‌لنیشی و درآمد قولگه کیریتیش بیرینچی یولی فیستواللر یولگه قوییلیب و سیاحتچی جلب ایتیلیشی گه دیر.
بامیان فرهنگی‌لریدن بیرقطاری نینگ ایشانچی گه کوره، مملکت یشاوچیلر هرکون قانلی و قیغولی واقعه‌لرگه گواه بولیشه‌دی و بونده‌ی فیستواللر یولگه قوییلیشی اهالی نینگ خرسندلیگی گه سبب بوله‌دی.
اولرنینگ ایتیشیچه، دمبوره فیستوالی یولگه قوییلیشی گه قرشی‌لیک بیلدیرگن عالم‌لرنینگ توشونچه‌سی مذهبی ایمس، بلکیم سیاسی دیر.
دمبوره فیستوالی اوچ ییل دن بویان محلی موسیقه رواجلنیشی و صنعتکارلردن حمایت قیلیش نیت ده بامیانده یولگه قوییله‌دی، بیراق بو فیستوال یولگه قوییلیشی هردایم مذکور ولایت ده عالملر کینگشی نینگ قرشی‌لیگی گه روپه‌ره بوله‌دی. اوتگن ییل هم بامیان عالملر کینگشی دمبوره فیستوالی نی دینی تعلیمات‌لرگه قرشی دیگن ایدی.
بامیان مرکزیده یولگه قوییلیشی کوتیلگن اوچینچی دمبوره فیستوالی کیله‌سی ایکی کون‌گچه مذکور ولایت نینگ محلی مسؤوللری و ایریم ولایت‌لرنینگ فرهنگی‌لری و صنعت‌کارلری حضوریده یولگه قوییلیشی خصوصیده قرار قیلینگن.
شو توغریده…
