سه‌شنبه کون توشدن کیین بامیان ولایتی‌نینگ مدنی جماعه‌چیلیک فعال‌لری و تینج اهالی بیر خبری ییغین اوتکزیب، ولایت ساغلیق‌نی سقلش ریاستی ناکارالیگی، ساغلیق مرکزلریده ناکاره کیشی‌لر آلینیشی، اداری فساد موجودلیگی و امکانات بولمه‌گن‌لیگیدن شکایت قیلدیلر.
بامیان ولایتی‌ده مدنی اویشمه‌لرنی بیرلشتیره‌دیگن کیشی اسماعیل ذکی‌نینگ ایتیشیچه، ولایت مرکزی و تومن‌لریده جایلشگن ساغلیق‌نی سقلش مرکزلریده تخصص سیز داکتر و ساغلیق‌نی سقلش خذمت‌لری بولمه‌گنی باعث، مذکور مرکزلرده مراجعت قیلگن کسل‌لر بیرقطاری جان بیره‌دی.
بامیان مدنی فعال‌لردن ابتهاج حجتی، مذکور ولایت مرکزیده جایلشگن کسل خانه نینگ ایش سیزلیک‌که تنقید قیلیب، ایتیشیچه، بامیان مرکزیده جایلشگن کسل خانه‌ده مراجعت قیلگن کسل‌لردن بیری اوشبو کسل‌خانه داروسیدن استفاده قیلگن‌دن سونگ ناگران بولیب جان بیرگن.
جناب حجتی‌نینگ کوپه‌یتیریشیچه، کابل‌ده جایلشگن ابن سیناکسل‌خانه سی‌نینگ داکترلری اوتکزگن تیکشیرو اساسیده کورستیشیچه، مذکور کسل بامیان مرکزی‌ده‌گی کسل‌خانه داکترلری تمانیدن بویوریلگن دارودن استفاده قیلیش عاقبتی‌ده ناگران بولگن.
شونینگ‌دیک بامیان تینچ اهالیسیگه کوره، مذکور ولایت ساغلیق‌نی سقلش ریاستی تامانیدن داروخانه‌لر مرکزی و ساغلیق‌نی سقلش مرکزلری تیکشیریلمه‌یدی و کوپینچه بو ولایت‌ده تاریخی اوتگن دارولر ساتیله‌دی.
تینج اهالیسیگه کوره، مذکور ولایت مرکزی کسل‌خانه‌سی‌نینگ دوغدیریش بولیمی‌ده کورینیشیچه 15 کیشی ایشلب بارماقده، اما بو بولیم‌ده گینه بیش کیشی ایشله‌یدی، اولردن ایکی کیشی سی قابله ایکن لیگی اورغولنگن. اولرنینگ کوپه‌یتیریشیچه، باشقه 10 کیشی ایشلاوچیلر امتیازی کیم‌لرکیسه‌سی‌گه کیره‌دی، انیق ایمس.
دیمک؛ ولایت ساغلیق‌نی سقلش باشلیغی‌نینگ ایتیشیچه، بامیان مرکزی کسل‌خانه سی‌نینگ توغدیریش بولیمی‌ده 10 کیشی ایشلاوچی موجود و بولر برچه‌سی ایش‌ده حاضرلر.
ولایت ساغلیق‌نی سقلش باشلیغی داکتر ریحانه، تینچ اهالی و مدنی جماعه‌چیلیک فعال‌لری تمانیدن بولگن ادعالرنی رد قیلیب ایتیشیچه، بامیان ولایتی‌نینگ کسل‌خانه سی‌ده‌گی برچه داکتری تشکیلات‌گه کیریتیلگن و شونینگ‌دیک دارولرنی هم تاریخی اوتکمه‌گن.
بامیان ولایتی‌نینگ ساغلیق‌نی سقلش ریاست باشلیغی‌نینگ سلام‌وطندار بیلن تلیفون آرقه‌لی علاقه‌ده بولیب ایتیشیچه، ریاست رسمی‌لری تیکشیرگندن سونگ، دارولر ساغلیق‌نی سقلش مرکزلریده ترقه‌تیله‌دی.
شونینگ‌دیک خانم ریحانه‌نینگ کوپه‌یتیریشیچه، بیرقطارکیشی‌لرنینگ دارو برابریده حساسیتی بولگن‌لیگی دلیل، دارودن استفاده قیلگن بیرچاغ‌ده سلبی تأثیر آلیب، باشقه کسل‌لیک‌لرگه چالینه‌دی‌لر.
مدنی جماعه‌چیلیک فعال‌لری بامیان محلی حکومتی‌دن مذکور ولایت ساغلیق‌نی سقلش بولیمی‌ده کورینگن اداری فسادنی جدی شکلی‌ده تیکشیریب و فساده گه قولی بولگنلرنی قانون‌گه تاپشیریلیشی‌نی سوره‌گنلر.
بامیانده مرکز و تومنلر قوشیمچه80 ته ساغلیق‌نی سقلش مرکزی فعالیت قیلیب کیلماقده. ولایت یشاوچیلری نینگ ایتیشیچه، ساغلیق‌نی سقلش مرکزلردن کوپی‌سیگه دارو و داکتر موجود ایمس.
بامیان مرکزی کسل‌خانه سی‌نینگ ساغلیق‌نی سقلش خذمت‌لری «آغاخان» موسسه‌سی آرقه‌لی حمایت بوله‌دی و ولایت باشقه ساغلیق‌نی سقلش مرکزلری «ادا» موسسه‌سی تامانیدن قوله‌نیلیب کیلماقده.
