بوگون جمعه بامیان‌ده جایلشگن بابا تاغی اطرافیده یولگه قوییلگن خلق ارا اسکی بیلشوولرینی 7- دوریده چمه‌سی 80 ایچکی و چیت ایللیک اسکی‌باز اشتراک ایتیب و بیلشوونی ایکی بولیم «فنی و دستلبکی» شکلده اوتکزگن‌لر.
اوشبو بیلشوو 1000 متر اوزاقلیک بیلن آسترالیا، سویس، انگلستان، فرانسه و امیریکه‌دن کیلگن چیت ایللیک اسکی‌بازلر اشتراکی‌ده یولگه قوییلدی و بو بیلشووده افغانستانلیک اسکی‌باز مجتبی حسینی بیرینچی اورین‌نی ایگه‌لگن.
مجتبی حسینی‌نینگ ایتیشیچه، بیرینچی مقام‌گه ایریشیش اوچون کوپینچه قیین‌چیلیک‌لرنی تَن آلگن و ایکی ییل‌دن بویان قیش موسومی‌ده اسکی‌بازلیک مشقی‌نی اوتکزر ایکن.
چیت ایللیک سپورتچی‌لر، بامیان‌ده جایلشگن بابا تاغی اطرافی و تپه‌لرینی قیشگی سپورت‌لر اینیقسه اسکی اوچون جوده هم مناسب ییر دیگن‌لر.
اوشبو بیلشوونی یولگه قویگن‌لردن بیری سویس‌لیک کریستوف، بامیان‌ده یولگه قوییلگن بیلشوولردن مقصد، یاشلرنی سپورت‌گه آلقیش‌لش دیگن.
کمیده 15 کون آلدین، 124 مملکت آره‌سیده اوتکزیلگن خلق ارا اسکی بیلشوویده افغانستان 73- اورین‌نی ایگه‌لگن ایدی.
