بامیان شهری‌نینگ صنعت بازارچه‌سیده «قیشلاقی‌لیک صنعت کورگزمه‌سی» نامی‌ده اوچ کونلیک کورگزمه آچیلدی.
اوشبو کورگزمه‌ده بامیان مرکزی، پنجاب، یکه‌ولنگ و سیغان تومن‌لری‌نینگ عیاللری قول صنعت‌لرینی کورگزمه گه قویگن‌لر.
کورگزمه‌گه اشتراک قیلگن مرکز و پنجاب تومن‌لری اهالیسی زهرا نظری و هواگل‌نینگ ایتیشیچه، کورگزمه یولگه قوییلیشی اولر اوچون محصولات‌لرینی کورگزمه گه قوییش خصوصیده، استثنایی فرصت یره‌ته‌دی. اوشبو کورگزمه‌ده سریغ یاغ، اَیران، یومورقه و بال کورگزمه گه قوییلگن.
اولرنینگ ایتیشیچه، بونده‌ی کورگزمه‌لر یولگه قوییلیشی اولرگه محصولات‌لرینی کوپه‌یتیریش خصوصیده، انگیزه بیریشی یانیده، محصولات‌لری کوپینچه ساتیلیشی‌گه سبب بوله‌دی.
زهرا و هوانینگ ایتیشیچه، قول صنعتی و قیشلاقی‌لیک محصولات، قیشلاقی‌لیک عیال‌لرنینگ یالغیز درامد منبعی سنله‌دی. شو یوزه‌دن اولر حکومت‌دن بو توغریده جدی شکلده دقت قیلیشی‌نی سوره‌یدی.
اوشبو کورگزمه‌نی کورووچیلردن بیری حلیمه‌نینگ ایتیشیچه، بو مرته قیشلاقی‌لیک ینگی محصولات کورگزمه گه قوییلگن و او بو محصولاتنی ایلگریدن کورمه‌گن. حلیمه گه کوره، محصولات صفتی یخشی دیر و او بو محصولات دن ساتیب آلگن.
بامیان ولایتی قیشلاقی‌لیک صنعت‌نی رواجلنتیریش ملی برنامه مسؤوللری‌نینگ ایتیشیچه، اوشبو ولایتده چمه‌سی 400 تولیدی گروه فعالیت قیله‌دی و بو جمله‌دن 100 تولید گروهی اورته و 270 تولیدی گروه کیچیک دیر.
مسؤوللرگه کوره، اوشبو گروهلرنینگ اعضالری عیاللر بولیب قول صنعتی و سوت محصولات‌لری ایشلب چیقاره‌دیلر و بو اداره، اورگه‌تیش و بازار تاپیش خصوصیده، مذکور گروهلرگه همکارلیک قیله‌دی.
قیشلاقی‌لیک صنعت‌نی رواجلنتیریش ملی برنامه مسؤولی محمدعلم بهزادنینگ ایتیشیچه، اوشبو کورگزمه یولگه قوییلیشی‌دن مقصد، بامیان ولایتی‌نینگ قیشلاقی‌لیک و محلی محصولات‌لرینی تانیشتیریش دیر. اوشبو محصولات‌لر یالغیز بامیان ولایتیده ایشلب چیقاریله‌دی.
بهزادگه کوره، بامیان عیاللری‌نینگ محلی محصولاتی و ناخالص قیشلاقی‌لیک صنعت درامدی، ییل‌ده 2 میلیون افغانی‌دن کوپراق بوله‌دی.
مملکت مرکزیده جایلشگن بامیان ولایتی‌نینگ عیاللری اجتماعی، مدنی، سیاسی و اقتصادی بولیم‌لرده فعال قتنشه‌دیلر. صنعت بازارچه‌سی عیاللر ایشلب چیقارگن محصولات‌لرینی ساته‌دیگن مشخص ییرلردن بیری دیر.
