تاریخی آبده‌لرنی قاچاق قیله دیگن بیر ترماق‌نینگ ایکّی اعضاسی ییر آستیده‌گی تورلی تاریخی آبده‌لرنی کشف قیلیش قابلیتی‌گه ایگه، ایران‌ده ایشلب چیقاریلگن زمانوی اوسکونه بیلن بامیان ملی امنیت اداره‌سی ملازملری تامانیدن قولگه آلینگنلر.
اوشبو ایکّی کیشی‌نینگ یانیدن قولگه کیریتگیلگن شرطنامه‌ده تاریخی آبده‌لرنی قاچاق قیله‌دیگن باشقه کیشی‌لرنینگ هم رویخطی بولگن؛ اما، بامیان ملی امنیت اداره‌سی تیکشیروو اوز نهایه‌سیگه ییتمه‌گونگه قدر مذکور شخص‌لر نامی فاش ایتیلمس لیگینی بیلدیرگن.
بامیان ولایتی‌نینگ والیسی محمدطاهر زهیر، مملکت خوف‌سیزیلیک اداره‌سی اینیقسه ملی خوف‌سیزلیک عمومی باشقرمه‌سیدن اوشبو مافیایی ترماقنی هر تامانلمه تیکشیریب، قولگه کیریتیلگن شرطنامه‌ده‌گی کیشی‌لر حبس‌گه آلینیب قانونگه تاپشیریلیشی‌نی سوره‌گن.
نامی فاش ایتیلیشی‌نی ایستمه‌گن تاریخی آبده‌لرنی قاچاق ایتگن‌لیکده عیب‌له‌نیب قولگه آلینگن‌لردن بیری، اوشبو عیب‌لاولرنی رد ایتیب سلام‌وطندارگه ایتیشیچه، ایشی دهقانچیلیک بولگن، یانیده بولگن اوسکونه توغریسی‌د‌ه هیچ معلوماتی یوق لیگینی تیل‌گه آلگن.
بامیان ولایتی‌نینگ فرهنگی و مدنی فعال‌لری هر دایم ولایت‌ده اوز باشیمچه و ناقانونی قازیش‌لر همده تاریخی آبده لر قاچاق ایتیلیشی خصوصی‌ده خواطر بیلدیریب کیلگن بیر پیت‌ده اوشبو قاچاقچی‌لر قولگه آلینماقده.
تاریخی آبده‌لرمتخصصی مجتبا میرزایی‌نینگ سلام‌وطندارگه ایتیشیچه، ملی حکومت فرهنگی و تاریخی آبده‌لر سقله‌نیشی همده اوز باشیمچه‌لیک بیلن تاریخی آبده‌لرنی قازیش آلدینی آلمه‌گن تقدیرده، بو قیین چیلیک کیله‌جده ییریک بیر فرهنگی فاجعه‌گه ایله‌نیشی ممکن دیگن.
او، نا قانونی و اوز باشیمچه قازیش تاریخی آبده‌لر مملکت‌دن تشقریگه قاچاق ایتیلیشی باعث بامیان مدنیتی و فرهنگی‌گه عاید هیچ قنده‌ی بیر تاریخی مکتوب قول‌ده ایمیس دیگن.
بامیان مملکتنینگ تاریخی ولایتلریدنحسابلنهدی بوزیب تشلنگن ایکّی هیکل قوشیمچه بو ولایت یوزلب عبادتخانه و تاریخی آبده‌نی اوز بغریگه جای بیرگن.
