اوتگن کون سه‌شنبه دن بویان تهیه مسکن باله‌لر اوییدن علی آتلی بیر باله نینگ صورتی اجتماعی ترماقلرده قولمه قول بوله‌دی و بو باله‌دن نقل بولیشی گه کوره، بویره‌گی باله‌لر اویی باشلیغی احمدفیضان کاکر تامانیدن ساتیلگن.
بیراق، ایش و اجتماعی ایشلر وزیرلیگی نینگ سوزلاوچیسی عشرت احمدزی، بو ادعانی رد قیلیب و اونی دسیسه دییدی.
جناب احمدزی گه کوره، مذکور باله نینگ بویره‌گی میلادی 2016- ییل‌ده قتیق بیر درد باعث فعالیت دن قالگن و کابل ایمرجنسی کسلخانه‌سیده ایتالیالیک بیر داکتر تامانیدن جراحلیک قیلینگن.
شونینگدیک، ایش و اجتماعی ایشلر وزیرلیگی نینگ اجتماعی ایشلر بوییچه اورین باسری غلام حیدر جیلانی، ایچکی ایشلر وزیرلیگی و ساغلیق‌نی سقلش وزیرلیگی دن تشکیل ایتیلگن قوشمه بیر هیأت بیلن بو قضیه نی تیکشیریش اوچون بلاسم کسلخانه‌سیگه باریشگن و اونینگ ایتیشیچه، معاینه قیلینگنیدن سونگ، بو باله نینگ ایکی بویره‌گی هم بولگنی اثباتلنگن.
جناب جیلانی نینگ ایتیشیچه، مذکور باله نینگ معاینه‌لریدن سونگ، تعیین ایتیلگن هیأت بیلن بیرگه‌لیک‌ده بو قضیه کوپراق تیکشیریلیشی اوچون ایچکی ایشلر وزیرلیگی گه باریشگن.
