مملکت دولت باشقره‌لاووچی‌لیگی سرپرستی نورحبیب جلال‌نینگ سلام‌وطندارگه ایتیشیچه، شهرقوریش وزیرلیگی‌نینگ فسادگه عیب‌لنگن آلتی ملازمی‌نینگ دوسیه‌سی تکمیل ایتیلگن.
جناب جلال، مذکور دوسیه کیلگوسی شنبه کونی عالی محکمه‌گه تاپشیریله‌دی دیگن.
مرکز شهر قوریش رییسی احمدشاه همت، املاک رییسی محمدامین امین، اوی توزه‌تیش رییسی احمدنواز بختیار، برنامه‌توزیش رییسی گل‌رحیم زیارمل، انسجام اداره‌سی‌نینگ مالی مسؤولی سیدامان‌الله سادات و آپارتمان‌لر انسجام اداره‌سی مسؤولی محمدامین قانع شهر قوریش وزیرلیگی‌نینگ فسادگه عیب‌لنگن ملازم‌لریدن.
جمهور رییس غنی مذکور شخص‌لرنی بوندن آلدین مملکت‌دن چیقمس‌لیک‌لرینی اعلان قیلگن ایدی.
مملکت‌دن چیقیش‌لری توسیلگن اوشبو آلتی کیشی‌دن اوچ نفری بدخشان ولایتی آرقه‌لی تاجکستان‌گه قاچیب اوته‌دیگن چاغده مذکور ولایت چیگره پولیس کوچلری تامانیدن اوشلنگن ایدی.
احمدنواز بختیار، محمدامان سادات و محمدامین قانع بدخشان‌نینگ شغنان ولسوال‌لیگی ارقه‌لی قاچیب تاجکستان اوته‌دیگن‌لر جمله‌سی‌دن.
ملی بیرلیک حکومتی‌نینگ اداری فساد ساحه‌سی‌ده کوتارگن بیرینچی آدیمی کابل بانک دوسیه‌سی دیر.
عین حالده، کابل بیلیم یورتی حقوق فاکولته‌سی‌نینگ استادی فرید شهلانینگ سلام‌وطندارگه بیلدیریشیچه، مذکور دوسیه‌نی تیکشیریش اوچون قضایی اداره‌لرگه ایشانچ یوق.
اونینگ ایتیشیچه، اداری فسادگه عیب‌لنگن‌لر حکومت یوقاری مرتبه‌لی رسمیلری بیلن مستحکم علاقه‌سی بولگن‌لیگی سبب اولرنینگ دوسیه‌سی قضایی اداره‌لر ارقه‌لی جدی شکل‌د‌ه تیکشیریلمیدی.
خانم فریدنینگ کابل بانک تجربه‌سی مساله‌سی‌دن کیلیب چیققن نتیجه‌سی باره‌سی‌ده آگاهلنتیریب ایتیشیچه، مذکور دوسیه‌لرده پول مساله‌سی موجود بولگن‌لیگی اوشبو دوسیه‌لر جدی همده هرتامانلمه تیکشیریلمس لیگی‌گه باعث بوله‌دی.
اوتگن اون تورت ییل جریانی‌ده دولت‌نینگ بلند مرتبه‌لی رسمیلریگه تیگیشلی اونلب دوسیه قضایی اداره‌لر یوباریلگن، اما مذکور دوسیه‌لردن هیچ بیری هم جدی و عین حالده هرتمانلمه تیکشیریلمه‌گنی ایتیله‌دی.
