مملکت باش‌قاره‌لاوچیلیک اداره‌سی نینگ ایتیشیچه، بو اداره نینگ 4 ایشلاوچیسی مراقبت و کنترول عمومی ریاستی تامانیدن رشوت آلیش گه عیبله‌نیب قولگه آلینگن.
باش‌قاره‌لاوچیلیک اداره‌سی نینگ اعلامیه‌سی، ننگرهار ولایتی لعل‌پور تومن قاره‌لاوچیلیک آمری 36 مینگ افغانی رشوت آلیش گه عیبله‌نیب قولگه آلینگنیدن خبر بیریب ایتیشیچه، اونینگ دوسیه‌سی تدقیق و تیرگاو آستیده آلینگن.
اعلامیه نینگ بیر بولیمی ده کیلیشیچه، شونینگدیک نیچه وقت آلدین کابل ولایتی شکردره تومنی نینگ دستلبکی قاره‌لاوچیلیک آمری و اداری مدیری 3 مینگ دالر رشوت سوره‌ش گه عیبله‌نیب باش‌قاره‌لاوچیلیک نینگ مراقبت و کنترول قاره‌لاوچیلیک عمومی ریاستی تامانیدن قولگه آلینگن.
اعلامیه نینگ کوپه‌یتیریشیچه، مذکور ایکی کیشی بیر قتل دوسیه‌سی توغریسیده تحقیق قیله‌دی ایکن و مقتول نینگ یقیین‌لریدن پول ایسته‌گن ایکن.
شونینگدیک باش‌قاره‌لاوچیلیک نینگ ایتیشیچه، نیچه پیت آلدین ننگرهار ولایتی نینگ ایچکی و تشقی خوفسیزلیک جرم‌لریگه قرشی کوره‌ش قاره‌لاوچی‌لریدن بیری 2 مینگ دالر رشوت آلیش گه عیبله‌نیب قولگه آلینگن.
اعلامیه‌ده کیلیشیچه، باش‌قاره‌لاوچیلیک نینگ مراقبت و کنترول قاره‌لاوچیلیک عمومی ریاستی اوتگن ییل باشلنگنیدن بویان بو اداره نینگ رشوت و اداری فساد گه عیبله‌نگن 38 ایشلاوچیسی نینگ قضیه‌سینی مستند و عامل‌لری نی ایسه قولگه آلگن.
