بارسلونا لالیگا قهرمان‌لیک فصلی‌نینگ سونگی اوینلریده مذکور اویینلر قهرمانی بولدی.
اوتگن هفته بارسلونا قهرمان‌لیگی نهایی بولگن ایدی. اوتگن کیچه گی دپرتیولاکرونیا تیمی بیلن اوتکزگن اویینده، 2-2 مساوی بولیب قهرمان‌لیک جامی‌نی قولگه کیریتدی.
اویین هجومی بارسلونا تامانیدن باشلندی و اویین 5- دقیقه سیده، بیرینچی گول لیونل مسی تامانیدن ثمرگه ایتدی. بارسلونا بیرینچی گولیدن کیین مذکور تیم ایکینچی گول اوچون کوپلب تلاش قیلدی تا باشقه گوللرنی اوز نفع‌لریگه آشیرسه‌لر، اما دپرتیولاکرونیا تیمی‌نینگ دروازه بانی تامانیدن دفع ایتیلدی. اویین بیرینچی بولیمی مسی بیرگولی بیلن تمام بولدی.
مربی‌لر بولیمی‌گه تانیلگن اویین ایکینچی یریمی‌نینگ 59- دقیقه سیده، مسی ینه بیر بار حریف ایشیگینی آچیش‌گه موفق بولدی و اویین 2- 0 بولدی. بارسلونا ایکینچی گولیدن کیین، دپرتیولاکرونیا تیمی 67- دقیقه ده اوز نفع‌لریگه بیرگول اوریب، بیرگول‌لرینی قیتردی.
مذکور گول دپرتیولاکرونیا تیمی‌نینگ روحیه سینی قیته قولگه کیریتدی و ینه‌ده 76- دقیقه‌ده ایکینچی گولنی بارسلوناگه قرشی ثمرگه ایتکیزدیلر.
مذکور اویینده ایکی تیم هم کوپلب فرصت‌لرنی قولدن بیریشی بیلن 2-2 اویین اوز نهایه سیگه ییتدی.
بو اویین شوپیت‌ده یولگه قویلدی که بارسلونا تیمی‌نینگ اینگ ایسکی اویینچی‌لریدن افختارلی اعضالریدن بیری ژاوی هرناندز24 ییل مذکور تیم‌ده تجربه آلیشی بیلن بارسلوناتیمی نی ترک قیلدی.
کوتاه پاس‌لر شاهی بیلن خیرلش
کوتاه پاس‌لر شاهی گه تانیلگن ژاوی هرناندز، بارسلونا تانیقلی کیپتانی ایدی، اوتگن کیچه گی تماشاچیلرقووانچ اوجیده بولیشی بیلن 8- مرته لالیگا جامی‌نی قولگه کیریتدی و اوز تیمی بیلن خیرلشدی.
ژاوی، میلادی1980- ییل اسپانیا تراسای‌ده دنیاگه کیلدی.
ژاوی هرناندز اسپانیا ملی تیمی‌ده هم اوینیدی، 11 یاشدن بارسلونا تیمی‌ده اویین‌نی باشله گن ایدی. او، حاضرگه قدر 825 اویینده قتنشگن و87 گول اورگن.
او بارسلونا تیمی‌نینگ بیرینچی اویینچی‌لریدن دیر که 150 بین المللی اویینده قتنشگن.
حاضرچه بو 35 یاشر اویینچی قطر السعد تیمی بیلن قوشیگن و بو تیم بیلن قوشیلیشی توغری سیده «تصمیم آلیش جوده هم قیین، اما حرفه‌یی حیاتده بوندن یخشی راغی بولمیدی» دیگن.
او، تیزلیکده بارسلونا تیمی‌گه قیته قوشیلیش نی امید قیلگن.
