– ییل جنوبی آسیا فوتبال اویینلری اون بیرینچی دورینینگ جدول زمانی بوگون (چهارشنبه) آسیایی فوتبال کینگشی تامانیدن ینگی دهلیده اعلان قیلیندی. مذکور جدول اساسیده افغانستان مذکور رقابتلرده «ب» گروپیده قرار تاپگن.
مملکت فوتبال فدراسیونینینگ نشرقیلگن خبرنامهسیده، افغانستان مذکور جام قهرمانلیگیده باشقه سکیز تیمی بیلن اویینگه چیقهدی. مذکور جدول اساسیده افغانستان فوتبال تیمی مالدیف، یونان و بنگلهدیش تیملری بیلن مسابقهگه چیقهدی.
بیرینچی گروپده هند، پاکستان، سریلانکا و نیپال تیملری اوینیدی. مملکت ملی فوتبال تیمی آگست آیی نینگ 24-سیده بنگلهدیش بیلن چیقیشی کوتیلهدی.
عین حالده بوندن نیچه وقت آلدین افغانستان و بنگلهدیش تیملری اورتهسیده اورتاقلیک مسابقهسی اوتکزیلگن. اوشبو اویین بیر- بیر نتیجه بیلن یکونلنگن ایدی.
جنوبی آسیا فوتبال جامی سونگی مرته 2013- ییلده نیپالده اوتکزیلگن ایدی. شونینگدیک مذکور اویینلرده افغانستان هندوستاننی شکست بیریش بیلن قهرمانلیک مقامیگه ییتگن ایدی.
ترتیب ایتیلگن جدولگه اساسن مذکور اویین دسامبر آیی نینگ 23-سیده هند مبزبانلیگی بیلن باشلهنیب 2016- ییل ایکینچی جنوری کونیگه قدر دام ایتهدی.
عین حالده، مذکور اویینلر جنوبی آسیا مرکزی زون تیملرینینگ اشتراکیده اوتکزیلهدی، اما، بونگه قرهمی افغانستان اوشبو مسابقهلرده قتنهشیش شانسی قازانگن.
هنوز گچه هند بیش مرته جنوبی آسیا قهرمانلیک مقامیگه ییتگن. شونینگدیک افغانستان، بنگلهدیش، سریلانکا و مالدیف مملکتلری بیر- بیر مرته قهرمانلیکنی کسب قیلگن. لیکن بوتان، نیپال و پاکستان حاضرگچه هم مذکور مسابقهلرده پیروزلیککه ایریشمهگن.
