د بادغیس ولایتي شورا مشر عبدالعزیز بیک وايي، طالبانو تېره شپه قادس او ابکمري ولسوالیو کې د پولیسو، محلي پولیسو او پاڅونوالو په پوستو ډلهییز بریدونه کړي چې ۱۴ ملي او محلي پولیس قادس ولسوالۍ او ۷ تنه پاڅونوال ابکمري ولسوالۍ کې وژل شويدي.
د هغه په وینا، نښتو کې ۹ امنیتي ځواکونه ټپي شوي هم دي او شاوخوا ۱۰ وسلهوال طالبان هم وژل شويدي.
د بادغیس والي ویاند جمشید شهابي هم قادس او ابکمري ولسوالیو کې د امنیتي ځواکونو په پوستو د طالبانو بریدونه تاییدوي او وايي، قادس ولسوالۍ کې ۴ امنیتي سرتېري وژل شوي او ۳ ژوبل دي.
همداراز ابکمري ولسوالۍ کې د پاڅونوالو ۴ سرتېري وژل شوي او ۴ نور ټپیان دي.
نوموړی زیاتوي، نښتو کې ۱۵ طالبان هم وژل شوي او ۱۰ نور ټپیان دي.
طالبانو هم دغه بریدونه تایید کړيدي.
