سلام‌وطندارگه صحبت بیرگن بادغیس ولایت کینگشی اورین باسری عبدالله افضلی نینگ ایتیشیچه، اوشبو حربی عسکرلر مذکور ولایت نینگ بالامرغاب تومنیده حربی کوچلرنینگ پوسته‌لریدن بیرینی اوستیگه طالبان گروهی تامانیدن اویوشتیریلگن هجوم نتیجه‌سیده هلاک ایتیلگن‌لر.
جناب افضلی گه کوره، بو واقعه اوتگن کیچه یوز بیرگن، باشقه ایکی حربی عسکر یره‌لنگن و طالبان گروهی پوسته‌نی نظارت گه آلگن.
بادغیس ولایت کینگشی اورین باسری نینگ ایتیشیچه، طالبان گروهی کمیده ایکی هفته آلدین هم حربی کوچلرگه آغیر زیان ییتکیزیب و بو پوسته‌نی نظارت گه آلگن ایکن.
بادغیس حاکمی سوزلاوچیسی جمشید شهابی، پوسته اوستیگه طالبان گروهی تامانیدن هجوم اویوشتیریلگنینی تصدیقلیدی، بیراق ایتیشیچه، بو واقعه‌ده 3 حربی عسکر هلاک و باشقه 4 ته‌سی یره‌لنگن.
شهابی گه کوره، بو آتیشمه بوگون ایرته‌لبگچه دوام ایتگن و نتیجه‌ده 10 دن آرتیق جنگری طالب هلاک ایتیلیب و یره‌لنگن.
شونینگدیک، طالبان گروهی امنیتی کوچلرگه زیان ییتکیزگنی و حربی پوسته‌نی نظارت گه آلگنینی تصدیقلگن.
