بادغیس خوفسیزلیک قومندانی احمدفهیم قایم‌نینگ ایتیشیچه، اوشبو واقعه اوتگن کیچه مذکور ولایت‌نینگ قادس تومنی جهان‌دوست قیشلاغیده یوز بیرگن.
جناب قایم گه کوره، اوشبو کیچیک یاشلی کیلین نیچه وقت آلدین آته‌سی آرقه‌لی اورته یاشلی بیر کیشی بیلن اویلنتیریلگن و ایری هردایم اونی قینه‌یدی ایکن. حاضر قتل ایتیلگن کیلین‌نینگ آته‌سی واقعه خصوصیده، قولگه آلینگن.
عین حالده، اوشبو واقعه‌نی تصدیق‌لگن بادغیس ولایتی‌نینگ عیاللر ریاستی باشلیغی زرغونه شیرزادنینگ ایتیشیچه، عایله‌وی تارتیشوولر بو قیزنینگ اولیمی گه سبب بولگن.
بادغیس ولایتی‌نینگ عیاللر ریاستی باشلیغی، امنیتی اداره‌لردن قتل ایتیلگن کیلین‌نینگ قاتلی (ایری) نی قولگه آلیب و قانون گه تاپشیریشی‌نی سوره‌یدی.
افغانستانده عایله‌وی تارتیشوولر سبب بولگن قتل قضیه‌لری کوپ دیر. اوتگن ییل جوزجان ده بیر قیز عایله‌سی بیلن قیلگن لفظی تارتیشمه‌دن سونگ، خودکش‌لیک‌که قول اورگن ایدی و شونینگدیک، بغلان ولایتی‌نینگ اهالیسی ناموسی قتل‌لر کوپه‌یگنیدن شکایت قیله‌دی.
