سلام‌وطندارگه صحبت بیرگن بادغیس ولایت کینگشی باشلیغی عبدالعزیز بیگ نینگ ایتیشیچه، جمعه دن شنبه گه اوتر کیچه ساعت 10 اطرافیده زمانه‌وی حربی جهازلر بیلن جهازلنگن کمیده 300 قوراللی طالب مذکور ولایت نینگ بالامرغاب تومنی اکازیی‌ها قیشلاغیده حربی کوچلرنینگ پوسته‌لری اوستیگه هجوم قیلگن‌لر.
اونگه کوره، نیچه ساعتلیک آتیشمه‌دن سونگ، طالبان گروهی 2 امنیتی پوسته‌نی نظارت گه آلگن.
بادغیس ولایت کینگشی باشلیغی نینگ کوپه‌یتیریشیچه، بو آتیشمه‌ده 1 عسکر هلاک، 7 عسکر یره‌لنگن و باشقه 12 عسکر درک‌سیز یوقالگن.
اونینگ ایتیشیچه، امنیتی مسؤوللر یاردمچی کوچ یوباریلیشی خصوصیده سوز بیرگن؛ یاردمچی کوچ یوباریلمه‌گن صورتده، بالامرغاب تومنی سقوط قیلیشی ممکن.
شو توغریده…
فاریاب ولایتی‌نینگ گرزیوان تومنی سقوط عره‌فه‌سیده دیر
دشتارچی تومنینینگ قرلق قیشلاقی طالبلر قولیگه سقوط قیلگن
دشتارچی تومنینینگ قرلق قیشلاقی طالبلر قولیگه سقوط قیلگن
جوزجان تومن‌لری‌نینگ برچه قیشلاقلری طالبلرنینگ نظارتی‌ده دیر
عین حالده، بادغیس حاکمی‌نی سوزلاوچیسی جمشید شهابی نینگ ایتیشیچه، بو واقعه‌ده 1 عسکر هلاک، 5 عسکر یره‌لنگن و شونینگدیک، بیر پوسته طالبان نینگ نظارتی گه اوتگن.
جناب شهابی، حربی عسکرلر طالبان نینگ قولی گه توشگنینی رد قیلیب کوپه‌یتیریشیچه، مذکور تومن گه یاردمچی کوچ یوباریلگن.
شونده‌ی بیرحالده، طالبان گروهی بادغیس ولایتی‌نینگ بالامرغاب تومنیده 2 امنیتی پوسته‌نی نظارت گه آلگنلریدن صورت ترقه‌تیب ایتیشیچه، 7 عسکرنی اولدیریب و باشقه 6 عسکر توتقونگه آلگن‌لر.
