بادغیس‌ده، طالبان آوازبیروچیلرنی رویخط‌گه آلیش بیر مرکزگه گروهی هجوم قیلگن و نتیجه‌ده 8 عسکر هلاک و باشقه 3 عسکر تَن جراحت آلگن.
بادغیس ولایت کینگشی باشلیغی عبدالعزیزبیک‌نینگ سلام‌وطندارگه ایتیشیچه، بو هجوم قلعه‌نو شهری‌گه تیگیشلی لامان منطقه‌سیده‌گی آوازبیروچیلرنی رویخط‌گه آلیش بیرمرکزده بولگن و مذکور هجوم نتیجه‌سیده 8 کیشی هلاک 3 کیشی تن‌جراحتی کوتاریب و باشقه بیرکیشی درک‌سیز دیر.
بادغیس حاکمی‌نینگ اورین باسری فیض‌محمد میرزازاده اوشبو خبرنی تصدیقله‌یدی، بیراق اونینگ ایتیشیچه، حادثه تلفاتی دن حاضرگچه انیق‌خبر بولمه‌گن.
عین حالده، بادغیس پولیس سوزلاوچیسی احسان الله داوری، تلفات رقمی‌نی ناتوغریدیب ایتیشیچه، طالبان‌نینگ هجومی اوتگن آقشام ساعت 11 ده باشله‌نیب و ساعت 1:40 گچه دوام تارتگن.
حادثه مسوولیتی‌نی طالبان گروهی بوینیگه آلگن.
