افغانستان‌نینگ ساووقلی منطقه‌لریده هوا ساووق بولگنده تشقی ایکینچی قول کییم‌لرنی بازاری قیزیق بوله‌دی. ایکینچی قول کییم‌لر صفتی یخشی و بهاسی قویی بولگنی باعث، کوپینچه کیشی‌لرنینگ دقت‌لرینی جلب قیله‌دی. بیراق، بو کیشی‌لردن کوپینچه‌سی‌نینگ ایکینچی قول کییم‌لرینی زیانلریدن خبرلری یوق دیر.
غزنی یشاوچیلریدن بیری نازنین‌نینگ ایتیشیچه، بوندن آلدین کییم‌لریدن کوپینچه‌سینی لیلامی بازارلریدن آلر ایکن؛ بیراق عایله اعضالری‌نینگ آره‌سیده یوقوملی بیر کسل‌لیک رواجلنگنیدن سونگ، ایکینچی قول کییم‌لری (لیلامی) دن فایده‌لنمه‌یدی.
غزنی ولایتی‌نینگ ساغلیق‌نی سقلش ریاستی باشلیغی ظاهرشاه نیک‌مل‌نینگ ایتیشیچه، ایکینچی قول کییم‌لری فایدهلنیشیدن آلدین ایسیق سوو بیلن یخشی یوویلیب و قویاش گه توتیلمه‌گن صورتده، یوقوملی کسل‌لیک‌لرگه سبب بولیشی ممکن.
اونگه کوره، ایکینچی قول کییم‌لریدن فایده‌لنه‌دیگن عایله‌لر فایدهلنیشیدن آلدین بوتونله‌ی ایسیق سوو بیلن یوویب و مکروب‌لری برطرف ایتیلیشی اوچون قویاش یاغدوسیده قوییش‌لری کیره‌ک.
ایکینچی قول کییم‌لری عادت‌ده اروپایی مملکت‌لر و چین دن پاکستان گه آلیب کیلینه‌دی و او ییردن افغانستان گه آلیب کیلینه‌دی. اوشبو کییم‌لر مملکت بویلب ساتیله‌دی و مشتریلری هم کوپ دیر.
