افغانستان سرمایه یاتقیزیش‌دن حمایت قیله دیگن اداره (آیسا) نینگ بیلدیریشیچه، اولکه صنعتچیلریگه سهولت کیلتیریگن صورتده، ایچکی بازارده بیریله دیگن کاووشلردن 50 فایزینی تولید قیلیش‌گه کوچلری ییته‌دی.
بوگون (شنبه) اوشبو اداره باشلیغی محمدقربان حقجونینگ کابل‌ده بیرخبری ییغین‌ده چیقیش قیلیب ایتیشیچه، هرییل ایچکی کاووش تیکه دیگن صنعتچیلر اوچ یریم میلیون جوره کاووشنی تیکیش‌گه قادر ایکنلر و ظرفیتلردن یوزدن یوز ایش آلینگن‌ده، اوشبو قتلم 7 میلیون جوره‌گه ییتیب باریشی بیلن 40 دن 50 فایز ایچکی نیازلیک‌لرنی تأمین ایتیش‌لری ممکن.
جناب حقجونینگ بیلدیریشیچه، افغانستان بازاریده قوشنی اولکه‌لر تسلطی بولگنی باعث، کالالر ارزان ساتیش سیاستی (دمپنگ) و تولید اوچون مناسب ییر بولمه‌گن‌لیگی، صنعت کارلر تشقی تولیداتلر بیلن رقابتده کیریشگه کوچلری ییتمه‌یدی.
شونینگ‌دیک حقجو جنابلری‌نینگ کوپه یتیریشیچه، ایچکی تولیدلردن اهالینی استفاده قیلیشی، اوشبو تولیدلرنی بازارده ساتیلیشی آزه یشی‌گه سبب بولگن.
قربان حقجو ایچکی تولیدلر یوکسه تیش یولی قوشنی اولکه‌لردن کیله دیگن کیفیت سیز کالالر گمرکی تعرفه‌لرینی آلدی آلینیشی دیب بیله‌دی.
عین حالده اولکه کاووش تیکه دیگن‌لر اتحادیه‌سی باشلیغی محمدآصف جامی نینگ ایتیشیچه، اولر قیین‌چیلیک‌لریگه توجه بولمه‌گن صورتده، اولکه بویلب کاووش تیکیش صنعتی اورته‌دن کیته‌دی.
جناب جامی‌گه کوره، صنعتچی‌لرگه قرشی ییریک قیین‌چیلیک‌لر، قوشنی اولکه‌لردن افغان تولیداتی‌گه اوخشه‌گن کالالردیر. او، ایران، چین و پاکستان اولکه‌سیدن کیلتیره دیگن کیفیت سیز کاووش‌لر، ایچکی تولیدنی ضعیف قیلگن دیدی.
کاووش تیکه دیگن‌لر اتحادیه‌سی باشلیغیگه کوره، ایچکی تولیدلرنی کوچلنتیریش اوچون اساسی گپ صنعتچی‌لرگه سهولت کیلتیریش و تشقی کالالرگه قرشی ایچکی کلالرنی حکومت تامانیدن حمایت قیلیش دیر.
تشقی کالالر اوچون گمریکی تعرفه‌لر آزلیگی، کالالرنی قاچاق شکلی‌ده کیلتیریلیشی و گمرک‌لرده قلاب کارلیک موجودلیگی، اولکه بویلب ایچکی شرکت‌لر یولیده‌گی توسیق‌لردن سنله‌دی.
شوحاضر اولکه بویلب 450 دن آشه تولیدی ایش خانه‌لر موجود، قوشنی اولکه‌لردن کیفیت‌سیز کالالر کیلتیریلیشی سبب بولر سقوط گه روپه ره بولگن.
