.jpg)
بوگون (دوشنبه) جمهور رییس‌نینگ ایکینچی اورین باسری سرور دانش، نماینده‌لر کینگشی‌ده حضور کیلتیریب، تاج محمد جاهدنینگ ایچکی ایشلر وزیرلیگی نامزدی صفتیده، محمدفرید حمیدی‌نینگ باش قاره‌لاوچیلیک نامزدی صفتیده و محمدزمان سنگری‌نینگ مملکت باش محکمه‌سی عالی کینگشی‌نینگ عضوی صفتیده تانیشتیردی.
دیمک نماینده‌لر کینگشی‌نینگ لایحه‌سی اساسیده، باش قاره‌لاوچیلیک نامزدی بوگون نماینده‌لر کینگشی‌ده تانیشتیریلمس‌لیگی لازم ایدی، بیراق نماینده‌لر اورته‌سیده بحث اوتکزیلیب، قیزیل و یشیل کارت‌لر کوتریلیب آواز بیریلگنی‌دن کیین، مجلس ییغینیده جناب حمیدی‌نینگ ایش لایحه‌سی اوقیش‌گه آلینیشی خصوصیده قرار قیلیندی.
جناب دانش، تانیشتیریلگن کیشی‌لرنینگ ظرفیتی‌گه اشاره قیلیب، نماینده‌لر تامانیدن ایشانچ آواز قولگه کیریتیش‌لریگه امید بیلدیردی.
شونینگ‌دیک، جمهور رییس بیرینچی اورین باسری‌نینگ، مدافعه وزیرلیگی بیلن ملی امنیت ریاستی‌نینگ تقدیری خصوصیده ایتیشیچه، تیزلیک‌ده مملکت ملی مدافعه وزیری بیلن ملی امنیت ریاستی‌نینگ نامزلری مجلس‌گه تانیشتیریله‌دی.
مجلس نماینده‌لری، آوازبیریش بیر لایحه اساسیده، ایچکی ایشلر وزیرلیگی، باش قاره‌لاوچیلیک و باش‌محکمه نامزدلری‌گه ایشانچ آواز بیره‌دیلر.
