45یاشده بولگن زیباگل بیرینچی مرته 17 یاشیده گلبدین حکمتیار رهبرلیگی‌ده بولگن حزب اسلامی نینگ بیر اعضاسی بیلن اویلنگن. لیکن، مشترک حیاتیدن تورت ییل اوتگندن سونگ ایری مملکت‌ده‌گی تنظیمی اوروشلرده عالمدن اوتگن.
تورموش اورتاغیدن ایکّی قیز قالگن دیدی زبیاگل. اونینگ حکایه‌سیگه کوره، کیچیک قیزی دنیاگه کیلمی توریب، آته‌سی اونینگ بیلن ابدی وداعلشگن. بو واقعه‌دن سونگ زیباگل اوی – جایینی تشلب کابل کیلگن.
زیباگل‌نینگ ایکّینچی بار اویله‌نیشی هم خوش بختلیک بیلن پایانگه ییتمه‌گن. او، بو مرته اسلامی جمعیت حزبی‌نینگ بیر اعضاسی بیلن اویلنه‌دی. ینگی تورموش اورتاغی و ایکّی قیزی بیلن حیاتنی ایندی باشلَگن زبیاگل ایچکی اوروشلرده ایکینچی تورموش اورتاغینی هم قولدن بیره‌دی.
زیباگل گه کوره، ایکّینچی ایریدن هم ایکّی فرزند کورگن؛ اوغلی اون آلتی کونگه تولگن‌ده باشقه تورموش اورتاغی قیتیب اوییگه کیلمه‌گن.
زیباگل‌نینگ ایکّینچی تورموش اورتاغی حربی شخص بولگن، هییت عرفه‌سیده معاش آلیش اوچون اداره‌سی تامان کیته دیگن چاغده گلبدین حکمتیار ییتکچیلگی‌ده‌گی حزب اسلامی تامانیدن قولگه آلینیب بوگونگچه هم داو درک‌سیز کیتگن.
زیباگل بیوه بولگن لیگیدن 22 ییل اوتگن لیگینی تیلگه آلگن. او، 22 ییلدن بیری نا دولت تشکیلاتلر و اهالی نینگ اویینی تازه‌لشدن قولگه کیریته دیگن پول حسابیگه روزغار تیبره‌ته‌دی. زبیاگل حاضرگی کونده کابل‌ده‌گی نا دولت تشکیلاتلردن بیریده عیال قوریقچی بولیب خذمت قیله‌دی.
مملکت‌ده‌گی ایچکی اوروشلرده ایکی بار قاره بخت بولگن لیگینی نالیب تیلگه آله‌دی زیباگل. او، حکومتدن اوروش عاملرنی قدرت‌گه حصه بیریشدن کوره محکمه گه تارتیشنی سور‌ه‌گن.
حکمتیار ینه سیاسی جریانگه قیتگن لیگیدن خواطر بیلدیرگن زیباگل ینه ایچکی اوروشلر باشله‌نیب کیتمسلیگیدن قورقوده. تینچلیک مذاکره‌سیگه اونچه‌لیک ایشانچی بولمه‌گن زیباگل، ایکّی دشمن هیچ بیر زمان یره‌ش میدیلر دیدی.
قویاش ییتمیشینچی ییلرده یوز بیرگن ایچکی اوروشلر اینیقسه کابل‌ده روی بیرگن جنگلرده مملکت‌گه ییریک اقتصادی زیان ییتکزگندن علاوه اون مینگلب انسان قربان بولیب، یوزمنگلب انسان نانگران بولیب نهایت‌ده کابل قوراللی طالبلر آرقه‌لی باستیریب آلینیشی‌گه سبب بولگن ایدی.
