سیاسی ایش بیلرمانلردن بیرقطاری، بیرلشگن ملت‌لر تشکیلاتی ییل‌لیک ییغینی چیککه‌سیده حکومت‌نی سونگی حرکتی‌گه اشاره قیلیب ایتیشیچه، پاکستان‌گه افغانستان حکومتی‌نینگ حرکتی احساساتی بولگن. ایش بیلرمانلرگه کوره، حکومت مملکت‌ده یوزبیره‌دیگن کوپینچه هجوم‌لر توغری‌سیده، پاکستان‌گه قرشی توغری حرکت‌نی اختیار ایتمه‌گن.
اوشبو بیانات‌لر، افغانستان اجراییه باشلیغی عبدالله عبدالله تامانیدن، بیرلشگن ملت‌لر تشکیلاتی ییل‌لیک ییغینی چیککه‌سیده، پاکستان باش وزیری نوازشریف‌نینگ ایکی مملکت علاقه‌سی خصوصیده بولگن اوچره‌شوو ایسته‌گی رد ایتیلگن بیرچاغده بیان ایتیلگن.
باشقه تاماندن، حکومت ییریک رسمی‌لریدن بیری آتی فاش ایتیلیشینی ایستمه‌ی، سلام‌وطندارگه ایتیشیچه، افغانستان دولتی رسمی شکلده پاکستان‌دن تروریست‌لر و عصیانچیلرگه قرشی صادقانه کوره‌شیشنی سوره‌گن؛ بونده‌ی بولمه‌گن صورتده، سیاسی قیین‌چیلیک‌که روپه‌ره بولیشی‌نی ایتکن.
سیاسی ایش بیلرمان محیب شریف‌نینگ ایتیشیچه، دولت کوپینچه واقعه و هجوم‌لر برابریده ناقولی موضوع‌نی اختیار قیلیب و حاضرگچه تشقی سیاستی خام بولگن.
جناب شریف، جمهور رییس‌نینگ پاکستان دارولری اورنیده هند دارولری ساتیب آلینیشی خصوصیده بولگن ترغیبات لری و پاکستان ایسته‌گی اجراییه باشلیغی تامانیدن رد ایتلگنی توغری‌سیده اشاره قیلیب ایتیشیچه، پاکستان‌گه قرشی ایکی رهبر حرکتی اولرنینگ بیردیک بولگنینی کورسته‌دی.
شریف‌گه کوره، جمهور رییس غنی حکومت باشله‌نیشی‌ده، مملکت تشقی سیاستی قیزیل چیزیغی اوستیگه ایاق قوییب، پاکستان استخباراتی (آی، اس، آی) بیلن مذاکره اوتکزدی، بیراق حامدکرزی بوتون حکومتی‌ده بونده‌ی بیر ایشنی قیلمه‌گن ایدی.
باشقه تاماندن، سیاسی ایش بیلرمانلردن باشقه بیری محمدناطقی‌نینگ ایتیشیچه، حکومت باشلیغ‌لری ایکی مملکت علاقه‌سی یخشی‌لنیشی خصوصیده، پاکستان دقتی‌نی جلب ایتیش اوچون 11 آی سعی و حرکت قیلدی، بیراق پاکستان بو توغریده دقت قیلمه‌دی.
جانب ناطقی‌نینگ ایتیشیچه، پاکستان دین عالم‌لری تامانیدن، افغانستان‌ده هجوم روا بولگنی خصوصیده بیریلگن فتوالر و اوشبو مملکت تامانیدن هجوم‌چیلرنینگ حمایت ایتیلیشی، بیرلشگن ملت‌لر تشکیلات ییغینیده، پاکستان ایسته‌گی جناب عبدالله تامانیدن رد ایتیلگن موضوع دلیلی بوله‌آله‌دی.
عین حالده، پاکستان‌گه قرشی افغانستان‌نی ینگی حرکتی مملکت زیانی‌گه دیب بیله‌دی. ناطقی‌گه کوره، پاکستان حاضرگچه تروریست‌لر باش پناه‌سی صفتیده دنیا باسقیچ‌لری آستیگه بولگن.
ایش بیلرمانلرنینگ ایتیشیچه، افغانستان توانی باریچه صداقت بیلن پاکستان‌دن تروریست‌لرگه قرشی کوره‌شیشنی سوره‌دی، بیراق بو مملکت‌نی ایکی تامانلمه سیاستی باعث، ایکی تامان علاقه‌سی زیان کوردی.
ایکی کون آلدین، مملکت جمهور رییسی، تینچ‌لیک خلقی حقی دیب، افغانستان دولتی هیچ قچان بو حقنی خلق‌دن آلمس‌لیگینی تیلگه آلگن.
