اوتگن کون هلمند ولایتی نینگ محلی رسمیلری خبری انجمن اوتکزیب ایران دیپلوماتلری و پاکستان جاسوسلیک اداره‌سی طالبلرگه کومک قیلیب اولر اختیاریگه حربی جهازلر قویه دیلر دیدی.
هلمند والیسی حیات‌الله حیات نینگ خبری انجمنده ایتیشیچه، امینی کوچلرنی سونگی عملیاتیده کوپلب آغیر-اینگیل قوراللر طالبلردن آلگنلردن ۲ راکتی بیرییل آلدین ایرانده توزه تیلگن‌لیگینی کورسته‌دی. هلمند والیسی نیچه کون آلدین ایران دیپلوماتلری و پاکستان جاسوسلیک اداره‌سی ملازملری ولایت گرمسیر و موساقلا تومنلریده ایری اوچره شوولر اوتکزگن دیگن ایدی.
بیراق ملی مدافعه وزیرلیگی رسمیلری بوگون سلام‌وطندارگه صحبت بیریب ایتیشلریچه، هلمند والیسی نینگ اوشبو ادعاسیگه قره‌تیب هیچ قنده‌ی بیر حجت قوللریده ایمس.
مدافعه وزیرلیگی سوزلاوچیسی اورین باسری محمد رادمنش نینگ ایتیشیچه، ایران و پاکستان مملکت‌لری هلمند ده‌گی طالبلرگه یاردم بیریش باره‌سیده بیران حجت قولگه کیریتگن صورتده، امنیتی کوچلر بوباره‌ده اقدام قیلیشی ممکن. اونگه کوره، امنیتی کوچلر منطقه مملکت‌لری جاسوسلیک فعالیتلری آلدینی آلیشگه کوچی ایته‌دی.
بوندن آلدین هم ایران، پاکستان و روسیه مملکت‌لری جنگری طالبلر بیلن یاردم‌لیک قیلیشگه عیبلنگن ایدی، بیراق حاضرگه قدر افغانستان حکومتی و تشقی ایشلر وزیرلیگی رسمیلری بوباره‌ده رسمی شکلده بیرنرسه‌دیمه گن.
