قاچقین‌لر و باش پناه ایزلاوچی‌لر وزیرلیگی مصلحتچیسی حفیظ‌الله میاخیل‌نینگ سلام‌وطندارگه ایتیشیچه، جاری میلادی ییل‌ده ایران و پاکستان مملکت‌لری افغانستانلیک قاچقین‌لرنینگ چیقاریش جریانی‌نی چقانلشتیرگن.
میاخیل‌گه کوره، یالغیز اوتگن هفته‌ده ایران 10 مینگ‌دن آرتیق افغانستانلیک ناقانونی قاچقین‌نی زوردن چیقارگن.
قاچقین‌لر و باش پناه ایزلاوچی‌لر وزیرلیگی مصلحتچیسی‌نینگ ایتیشیچه، اوشبو وزیرلیک ایران دولتی‌نینگ رسمی‌لری بیلن قوشمه کمیته چارچوبه‌سی اساسیده، ایران گه افغانستان قاچقین‌لری‌نینگ قانونی باردی و کیلدیلریگه زمینه یره‌تیش خصوصیده، سعی و حرکت قیله‌دی. جناب میاخیل گه کوره، مذکور کمیته‌نینگ مقصدلریدن باشقه بیری قاچقین‌لرنینگ رویخط‌گه آلیش جریانی قولی‌لشتیریلیشی و اولر ناقانونی شکلده چیقاریلیشی آلدی آلینیشی بولگن.
بونگه قوشیمچه، حفیظ‌الله میاخیل‌نینگ ایتیشیچه، کمیده 8 مینگ افغانستانلیک قاچقین ترکیه‌دن مملکت‌گه قیتگن و بو آره‌ده بیرقطاری زوردن چیقاریلگن.
عین حالده، افغانستانده ناتینچلیک و اوروش میزانی آشگنی باعث، مملکت‌دن قاچقین‌لیک جریانی چقانلشگن و تیزیم شکلده، کوپینچه عایله‌لر و انسانلر بدرغه بولماقده.
