.jpg)
ښایي د افغانستان کرکټ ملي لوبډلې مرستیال کپټان راشدخان ارمان د سږ کال په ۱۱م پړاو «آی. پي. اېل» سوداګریزو کرکټسیالیو کې د پخوا په پرتله په میلیونونو هندۍ کلدارو واخیستل شي.
د ورکړل شویو معلوماتو لهمخې، راشدخان چې تقریباً په وروستیو ۲ کلونو کې د نړۍ په هر سوداګریز کرکټلیګ کې لوبېدلې روانه میاشت بېلابېل خریداران ولري.
راشدخان د هغو ۵ لوبغاړیو په ډله کې دی چې ښایي ۸ ګډونوالې لوبډلې پرې خپل جیبونه را خلاص کړي او د اخیستلو لړۍ به یې د زیاتو پیسو د مصرف پر اساس په زړهپورې وي.
پهدې ډله کې راشدخان هم شامل دی چې د «سنرایزرز حیدراباد» لوبډلې لهخوا د روان کال «آی. پي. اېل» سیالیو لهپاره په لومړیو ۳ لوبغاړیو کې نهدی ساتل شوی.
تمه کېږي چې راشدخان به د سږ کال په بولۍ کې له ۶ کروړه هندۍ کلدارو نیولې تر ۸ کروړو هندۍ کلدارو پورې وپېرل شي او «سنرایزرز حیدراباد» لوبډله د دې حق لري چې د «ار. ټي. اېم» کارت په کارولو سره په همغو پیسو چې کومې لوبډلې اخیستی وي؛ بېرته واخلي.
دغه راز د اسټرالیوي توپوهونکي کرېسلین په اړه هم ویل کېږي چې اخیستونکي به یې زیات وي او ښایي له همدې کبله لوبډلې پرې له ۷ کروړو هندۍ کلدارو نیولې تر ۹ کروړو هندۍ کلدارو مصرف کړي.
ښي لاسی اعتمادي توپوهونکی کریس لین تېرکال د کلکتې لوبډلې په ګټه ولوبېد؛ خو سږ کال یې پرېښی چې نورې لوبډلې پرې بولي ووهي.
نیوزیلینډي چپ لاسي توپوهنکي کولن منرو چې په ځانګړي توګه د «آی. پي. اېل» لهپاره جوړ دی، د شل اوریزو لوبو اعتمادي او خطرناک لوبغاړی شمېرل کېږي چې له لومړي بال په توپاچوونکي حمله کوي او په ۲۰ اوریزو لوبو کې ریکارډ ۳ نړیوالې سلیزې هم لري؛ د سږ کال بولۍ لهپاره د لوبډلو د مالکانو خاص پام ځانته اړولی.
.jpg)
ښایي لوبډلې د نوموړي اخیستلو لهپاره له ۸ کروړو هندۍ کلدارو نیولې تر ۱۰ کروړو هندۍ کلدارو باران وکړي چې له لاسه یې ونهوځي.
د ویسټ انډیزي لوبغاړیو خریداران په هر سوداګریز لیګ کې زیات وي چې اوس یې یو نوی چپ لاسی چټک توپوهنکی ایون لیویس د کرکټ نړۍ ته وړاندې کړیدی.
ویل کېږي چی د ایون لیوس قیمت هم له ۷ نیولې تر ۹ کروړو رسېدلی شي.
د بهرنیو لوبغاړیو په ډله کې بیا د انګلستاني الراونډر بین سټوکس مقابله کې څوک نهشته، نوموړی هرکاره دی چې اوسمهال د شخصي پولیسو دوسیې له کبله له انګلستانۍ کرکټ ملي لوبډلې هم لېرې دی؛ خو ښایي د تېرکال په څېر ښایي د سږ کال په بولۍ کې له ۱۵ نیولې تر ۱۷ کروړو هندۍ کلدارو وپېرل شي.
ښایي د دې یادو شویو ۵ بهرنیو لوبغاړیو ترڅنګ نور بهرني لوبغاړي هم د ۱۱م پړاو «آی. پي. اېل» سیالیو په بولۍ کې ولیدل شي چې په زیاتو او ریکارډ پیسو د ګډونوالو لوبډلو لهخوا جذب شي؛ خو د دې په زړهپورو شېبو لیدلو لهپاره باید د روانې جنورۍ میاشتې ۲۹مې نېټې ته انتظار وباسو.
