ملی خوفسیزلیک عمومی ریاستی، لوگر ولایتیده طالبان جنگریلریدن 40 ته‌سی نینگ هلاک ایتیلگنی‌دن خبر بیرگن.
ملی خوفسیزلیک عمومی ریاستی نینگ میدیالرگه بیرخبرنامه یوباریب ایتیشیچه، اوشبو ریاست خاص کوچلری تامانیدن لوگر ولایتی نینگ چرخ تومنی "پنگرام" قیشلاغیده یولگه قوییلگن عملیات نتیجه‌سیده، طالبان گروهی نینگ ایچکی و چیت‌ایللیک اعضالریدن 25 ته‌سی هلاک ایتیلگن.
خبرنامه‌ده کوپه‌یتیریشیچه، مذکور عملیات‌ده طالبان قومندانلری و چیت‌ایللیک اعضالری شامل باشقه 12 ته‌سی یره‌لنیب و شونینگدیک 6 طالب قولگه آلینگن. خبرنامه‌ده ایتیلیشیچه، 9 دن 13 یاشر بولگن 5 چچین‌لیک باله هلاک ایتیلگن‌لر جمله‌سیدن دیر.
ملی خوفسیزلیک ریاستی‌گه کوره، هلاک ایتیلگن‌لر طالبان گروهی نینگ پکتیا، پکتیکا، میدان‌وردک، لوگر، غزنی، خوست و کابل ولایت‌لریده استخباراتی مسووللری ایکن و قوشنی ولایت‌لرده دهشت تشلاوچیلیک برنامه‌لرنی عملگه آشیریش اوچون توپلنگن ایکنلر.
خبرنامه‌ده ایتیلیشیچه، بو عملیات‌ده هلاک ایتیلگن اویغورلیکلر و چچین‌لیک‌لرنی موترده ماین جای‌لشتیریش و خودکش واسکت‌لر توزه‌تیش خصوصیده مهارتی بار ایکن.
مذکور عملیات‌ده طالبان گروهی نینگ 3 قرارگاه و ییغین مرکزی تخریب ایتیلیب و اوشبو گروه‌گه تیگیشلی بولگن کوپ قطار حربی تجهیزات امنیتی کوچلر قولیگه توشگن.
