قندوز ولایتی‌ده‌گی بدخشانلیک‌لر کینگشی‌نینگ رییسی محمد عالم‌نینگ سلام‌وطندار ترماغی‌گه ایتیشیشچه، بولر بدخشان ولایتی‌نینگ قوم بویوک‌لری وعالی تینچ لیک کینگشی‌نینگ اعضالری همکارلیگی بیلن کابل – تخار عمومی یولی‌ده اوغیرلنگن یولاوچی‌لردن 8 ته‌سی آزاد ایتیلیشی اوچون موفق بوگن‌لر.
جناب عالم، اوشبو 8 کیشی‌دن آلتی نفری علی آباد تومنی‌نینگ یشاووچی‌سی و ایکّی ته‌سی ایسه چهار دره تومنی‌دن آزاد ایتیلگن‌لر دیگن. شونینگ‌دیک عالم یولاووچی‌لرنینگ کوپچیلیگی هنوز هم جنگری طالب‌لر حبسی‌ده دیگن. ایتیلیشیچه، جنگری طالب‌لر یولاووچی‌لرنینگ 20 ته‌سینی هلاک ایتگن.
قندوزولایت کینگشی‌نینگ باشلیغی محمدیوسف ایوبی، کابل – تخار عمومی یولی‌ده اوغیرلنگن 28 یولاووچی‌دن قوراللی طالب‌لر تمانی‌دن 16دن 18 کیشی‌سی اولدیریلشی بیلن هنوز 4 جنگریلر حبسی‌ده قالماده دیگن.
اما، قندوز امنیه قوماندانلیگی‌نینگ خوف‌سیزلیک آمری محمد معصوم هاشمی صافی اوغیرلنگن‌لرنینگ 8 ته‌سی آزاد ایتیلگن لیگینی تصدیق له‌‌گن. جناب صافی‌گه کوره، بدخشان عالی تینچ لیک کینگشی‌نینگ باشلیغی قندوز ولایت کینگشی هماهنگ‌لیگی بیلن قندوز ولایتی‌نینگ چهار دره تومنی‌گه کیتگن لر دیگن.
اولر، قوراللی طالب‌لرنینگ حبسی‌ده بولگن یولاووچی‌لر قوییب یوباریلیشی اوچون بارگن‌لر دیدی جناب صافی. قندوز پولیس قوماندانی خوف‌سیزلیک آمری نینگ ایتیشیچه، قوراللی طالب‌لر آلدیگه بارگن هیت مذاکره‌سی نتیجه سیده توغریسی‌ده هنوزچگه هیچ قنده‌ی معلومات قول‌ده ایمس دیگن.
قندوز پولیس قوماندانلیگی‌نینگ مسووللری، اوغیرلنگن 8 کیشی هنوز هم طالب‌لر قولی‌ده دیگن‌لر. اولرنی حبس‌دن آزاد قیلیش اوچون حربی عملیات جریانی بارلیگی ایتیله‌دی. هنوز گچه جنگری طالب‌لر یولاووچی‌لرنینگ 12 ته سینی اولدیرگن.
اوز نامی فاش ایتیلیشی‌نی ایستمه‌گن بیر منبع قوراللی طالب‌لر اوتگن پنچ‌شنبه اوغیرلنگن‌لردن ینه بیر ته‌سینی هلاک ایتگن لیگینی تصیدق‌له‌گن.
