بوگون افغانستان میدیالریدن حمایت قیلوچی نهاد (نی) رسمی‌لری نینگ کابلده خبری انجمن آلیب ایتیشلریچه، قندوز، هلمند و فراه ولایت‌لریده اوروش شدتله‌نیشی سبب 200 دن آشه خبرچی اوزاغ-یقین ولایتلرگه بدرغه بولگن‌لر.
(نی) موسسه‌سی باشلیغی صدیق‌الله توحیدی‌نینگ ایتیشیچه، هلمندخبرچیلریدن کوپیسی جانلرینی سقلش اوچون قندهار و کابلگه باش پناه ایزلب کیلگن‌لر.
جناب توحیدیگه کوره، حاضرگه قدر خبرچیلرگه قرشی 50 مرته خشونت رویخط‌گه آلینگن.
جناب توحیدی‌نینگ کوپه‌یتیریشیچه، قندوز ولایتیده ترورچی هجوم‌لر شدتلنیشی سبب، روشنی رادیو تیلویزیونی، خاور، شبنم رادیولری قندوزده نابود بولگن و مذکور رسانه‌لر تجهیزاتلری تالان بولگن.
افغانستان ایرکین رسانه‌لر انجمن باشلیغی رحیم‌الله سمندر، جاری ییل خبرچی‌لر اوچون قانلی ییل بولگن دیگن. خبرچیلرگه قرشی بولگن خشونتلر اولدیریش، تهدید و کلتکلشلردن عبارت بولگن.
اوروش دوام ایتیب کیله‌دیگن ولایتلر نقصان کورگن میدا رسمی‌لری حکومت‌دن ییللیک سالیق آلمسدن بولرگه رادیو و تیلویزیون اوسکونه‌لری آلیشگه یاردم بیریشنی سوره‌گنلر.
بو شوپیتده ایتیلماقده کیم، اوتگن کون زابل ولایتیده ملی رادیو تیلویزیون خبرچیسی محمدیعقوب شرافت ناتانیش شخص تامانیدن ترور قیلیندی.
