سلام‌وطندارگه صحبت بیرگن عیال‌نینگ ایتیشیچه، اصلی تورموش اورتاغی‌دن اجره‌لگنیدن سونگ، آته و آنه‌سی اولگنی باعث، ایناغه‌لری اونینگ قبول قیلمه‌ی و باش‌پناه بیرمه‌گن.
اوشبو عیال‌گه کوره، حیات کیچیریش و باش‌پناه تاپیش اوچون تخار تامان کیاوی و قیزی‌نینگ اویی‌گه قره‌ب یول آلگن.
مذکور عیال کمیده بیش آی تخار ولایتی‌نینگ تالقان شهری توز ساتووچی منطقه‌سیده قیزی‌نینگ اویی‌ده حیات کیچیرگن؛ بیراق شونچه مدتدن سونگ، کیاوی هم اونینگ اویدن چیقارگن.
بو عیال‌گه کوره، ینه هم باش‌پناه سیز قالگن؛ لیکن بو مرته توزاققه توشگن.
فوزیه‌نینگ ایتیشیچه، تالقان شهری‌نینگ خُس‌ده منطقه‌سیده رحیم‌الله آتلی بیر کیشی‌گه اوچره‌شگن و باش‌پناه بدلی‌ده نیچه مرته جنسی زوره‌وانلیک‌که دوچ کیلگن.
فوزیه‌نینگ ادعا قیلیشیچه، رحیم‌الله ، امیرخان و مهران، اونینگ بیر مرته 10 مینگ افغانی و ایکی مرته 100 مینگ افغانی‌گه ساتگن‌لر.
فوزیگه کوره، بیرینچی مرته تخار ولایتی‌نینگ ورسج تومنی باغ دشت یشاوچیسی تیل‌سیز عتیق‌الله آتلی بیر کیشی‌گه ساتیلگن و بیر ییل‌و آلتی آی یشه‌گنیدن سونگ، اونینگ آلدیدن قاچگن.
اوشبو عیال ایکینچی مرته سیدعلم ناملی بیر کیشی‌گه ساتیلگن و بو مرته قِیناق و زوره‌وانلیک‌که دوچ کیلگنی سبب، قاچگن و باش‌پناه تاپمه‌گنی سبب، ینه هم رحیم‌الله ناملی کیشی‌نینگ آلدیگه باره‌دی.
فوزیه گه کوره، رحیم‌الله اونینگ اوچینچی مرته سلطان ناملی بیر کیشی‌گه ساته‌دی و سلطان‌نینگ بیرینچی تورموش اورتاغی توغمس بولگنی باعث، او بیلن تورموش قوریش‌گه حاضر بوله‌دی، بیراق کمیده بیر آی تیریکچیلیک‌دن سونگ، اونینگ حکایه‌لریدن معلومات تاپیب ایکی هفته آلدین، تخار پولیس قومندانلیگی‌گه تاپشیرگن.
تخار ولایتی‌نینگ عیال‌لر ایشلری بوییچه ریاستی، فوزیه‌نینگ دوسیه‌سینی انسان قاچاقی دیب بیله‌دی.
سلام‌وطندارگه صحبت بیرگن تخار ولایتی‌نینگ عیال‌لر ایشلری بوییچه ریاستی رزم آرا حواش‌نینگ ایتیشیچه، مذکور عیال‌نینگ دوسیه‌سی عدلی اداره‌لریده تیکشیریلماقده.
تخار ولایتی‌نینگ ملی خوفسیزلیک ریاستی، فوزیه‌نی ساتیش‌گه عیب‌لنگن مهران و امیرخان ناملی کیشی‌لرنی قولگه آلگن.
