مملکت ملی امنیت کینگش ملازملریدن بیری‌نینگ ایتیشیچه، اوتکن اوچ دهه‌گه قره‌گنده بو ییل مملکت ایرکینلیک کونی جمهورلیک سرایی و مدافعه وزیرلیگی‌ده باشقچه نشانلنه‌دی
ملی امنیت کینگشی‌نینگ میدیالر مصلحت‌چیسی نجیب‌الله منلی‌نینگ سلام‌وطندارگه ایتیشیچه، بو مراسم‌ده چمه‌سی 900 کیشی حکومت بلند مرتبه‌لی رسمی‌لری، قوم بویوک‌لری و مدنی جماعه‌چیلیک نماینده‌لری اشتراک ایتیشی ممکن.
چهارشنبه کون 28- اسد افغانستان ایرکینلیک کونی 96- ییلی‌گه ماس دیر.
اوتمیش‌لرده، اوشبو کون‌دن نشانلش اوچون هفته‌لر تیارگرلیک آلینه‌دی ایکن. قتناو یول‌لر و حضوری چمنی تورلی چراغ‌لر بیلن بیزه‌تیلر ایکن. خلق حضوری چمنی‌ده خیمه تیکیب بیره‌م توتمیش‌لر.
شونینگ‌دیک، رسمی مراسم حکومت بلندمرتبه‌لی رسمی‌لری‌نینگ سوز یوریتیش‌لری‌گه قوشیمچه، خرسندلیک توپلر آتیله‌دی ایکن. ملی سرود، محلی موسیقه چلینیشی و کنسرت‌لر اوشبو بیره‌م‌نی باشقه بولیم‌لریدن بولگن. بیراق سونگی پیت‌لرده بو برنامه‌لر اورته‌دن کیتیب و ایرکینلیک بیره‌می یالغیز جمهورلیک سرایی و مدافعه وزیرلیگی‌ده قیسقریب قالدی.
شونینگ‌دیک، جمهورلیک سرایی میدیالر مصلحت‌چیسی‌نینگ ایتیشیچه، اوشبو کون خلق‌گه تیگیشلی و شهرلرده نشانلنیشی لازم، بیراق حاضرگی شرایط‌ده شهرده آلیش‌گه قادر ایمس میز.
جناب منلی‌نینگ کوپه‌یتیریشیچه، بو ییل بیرینچی مرته اوچ دهه‌دن کیین، جمهورلیک سرایی‌ده خطاط‌‌لیک و نقاشلیک صنعتی کورگزمه‌گه قوییله‌دی.
شونینگ‌دیک منلی‌نینگ ایتیشیچه، بو ییلگی بیره‌م‌ده حکومت امنیتی کوچلرنینگ مدال بیلن آلقیش‌لب، بو کون‌نی مدافع‌لرگه بغشله‌یدی و لایحه ینگی‌لنه‌دی.
عین حالده، مملکت یازوچی‌لریدن بیری عبدالغفور لیوال‌نینگ ایتیشیچه، اوتمیش‌لرده 28- اسددن مملکت بویلب، اینیقسه باشکینت‌ده عجایب صورتده نشانلنگیچ ایدی، بیراق حاضر اوشبو کون مراسمی قیسقریب، یالغیز ملی مدافعه وزیرلیگی‌ده نشانلنه‌دی.
لیوال‌گه کوره، ایرکینلیک مراسمی امان‌الله خان‌نینگ زمانی‌دن داکتر نجیب‌الله‌نینگ زمانی‌گچه عجایب صورتده یولگه قوییلر ایکن، بیراق ایچکی اوروش‌لر باشله‌نیب و طالب‌لر کوچلنگنی‌دن کیین، بو مراسم قیسقریب قالگن.
اونینگ کوپه‌یتیریشیچه، اوتکن 14 ییل‌ده بو مراسم کم رنگ بولیب، یالغیز مدافعه وزیرلیگی‌ده جایلشگن ایرکینلیک مناری‌گه گل قوییش بیلن یکونلنگن.
امنیتی تیارگرلیک‌لر
مملکت ایرکینلیک کونی ییتیب کیلیشی بیلن، بوکون امنیتی‌نی تأمین‌لش خصوصیده خلق ایچیده خواطرلیک‌لر توغیلدی. بیراق مملکت ایچکی ایشلر وزیرلیگی‌نینگ ایتیشیچه، امنیتی کوچلر اوشبو مراسم امنیتی‌نی تأمین‌لش خصوصیده، یخشی صورتده تیارگرلیک آلگن.
ایچکی ایشلر وزیری نورالحق علومی‌نینگ سه‌شنبه کون کابل‌ده بیر خبری ییغینده ایتیشیچه، بو ییل ایرکینلیک مراسمی‌ده بیرینچی مرته امنیتی کوچلر قدرلنه‌دی.
جناب علومی‌نینگ ایتیشیچه، مملکت دفاعی و امنیتی کوچلری، ایرکینلیک و ملی حاکمیت‌نی سقلش خصوصیده باشقه‌لردن کوره، یخشی رول اوینه‌یدی و افغانستان خلقی اولرنینگ قربان‌لیک‌لری و فداکارلیک‌لرینی کوزدن کیچیره آلمه‌یدی.
شونینگ‌دیک ایچکی ایشلر وزیری، منطقه و منطقه‌دن تشقری عصیانچی گروه‌لرنینگ مملکت توزومی اوچون جدی تهدید دیب بیله‌دی.
عین حالده، کابل شهری گارنیزیون قومندانی جنرال عبدالرحمان رحمان، ایرکینلیک مراسمی یولگه قوییلیشی خصوصیده، امنیتی کوچلر تیارگرلیگی توغری‌سیده سوز یوریتدی.
کابل شهری گارنیزیون قومندانی‌نینگ کوپه‌یتیریشیچه، مملکت امنیتی کوچلری ایرکینلیک مراسم امنیتی‌نی تأمین‌لش خصوصیده، اویغورلیک‌ده تیارگرلیک آلگن‌لر.
