بوگون "سه‌شنبه" معارف و مخابرات وزیرلیگی مسووللرینینگ کابلده بیر خبری ییغین آرقهلی ایتیشیچه، اوقیتووچی‌لر آیلیگینینگ تلیفون آرقهلی توللنیش کیلیشوونامهسی امضا ایتیلگن.
اوشبو کیلشوونامه گه کوره، بوندن سونگ اوقیتووچیلرنینگ آیلیگینی تلیفون آرقهلی توللنیشی ممکن.
معارف وزیرلیگینینگ سرپرستی میرویس بلخینینگ ایتیشیچه، اوقیتووچیلرنینگ آیلیگینی تلیفون آرقهلی توللنیشی اوشبو لایحهگه تینیقلیک کیلتیرهدی.
جناب بلخی گه کوره، معارف وزیرلیگی، اوقیتووچیلرنی بایومتریک قیلیش بیرینچیدن اطلاعات بانکینی مخابرات وزیرلیگینینگ اختیاریگه قرار بیرهدی.
عینحالده، مخابرات وزیری شهزاد آریوبینینگ ایتیشیچه، مخابراتی شرکتلر اوقیتووچی‌لر آیلیگینی انتقال بیریشگه قرشی پول آلهدی.
مخابرات وزیرینینگ ایتیشیچه، اوشبو لایحه بیرینچیدن مملکت محدود ولایتلریده عملی ایتیلیب و اوندن سونگ بوتون ولایتلریده عملگه آشیریلهدی.
معارف وزیرلیگینینگ رسمیلریگه کوره، آیلیکنی تلیفون آرقهلی توللنیشی خیالی اوقیتووچیلرنینگ بیللی ایتیلیشیگه سبب بولهدی.
امضا ایتیلگن کیلشوونامه گه کوره، روشن و افغانبیسم مخابراتی شرکتلر اوشبو لایحهنی عملگه آشیرهدی.
