افغانستان جمهورلیک ریاستی بیر خبرنامه ترقه‌تیب ایتیشیچه، جمهور رئیس محمداشرف غنی اوزبیکستان جمهورلیک ریاستی‌نینگ دولتی ییریک هیأتی بیلن جمهورلیک ریاستی سرایی‌ده اوچره‌شگن.
اعلامیه‌دن نقل قیلینیشیچه، اوزبیکستاندن کیلگن هیأت تشکیلی‌ده بولگن مذکور مملکت نینگ تشقی ایشلر وزیری عبدالعزیز کاملوف و ملی خوفسیزلیک مصلحتچیسی ویکتور محمودوف نینگ جمهور رئیس محمداشرف غنی گه تکلیف قیلیشیچه، طالبان گروهی افغانستان حکومتی بیلن ایرکین مذاکره گه تیار بولگن صورتده، اوزبیکستان بو ییغین‌نی سمرقند تأریخی شهریده میزبانلیک قیلیش گه تیار دیر.
اوشبو اعلامیه‌ده محمداشرف غنی دن نقل قیلینیشیچه، جمهور رئیس اوزبیکستان نینگ تکلیفی دن قدردانلیک بیلدیریب و سمرقند شهرینی افغانستان و اوزبیکستان مملکت‌لری نینگ قوشمه مدنی میراثی دیگن.
سمرقند شهری تأریخی اوتمیشی باعث، شهرت قازانگن و اورته مملکت‌لری نینگ یشاوچیلری اونگه مدنی مرکزلردن بیری صفتیده قره‌یدیلر.
اوزبیکستان حکومتی شوکت میرضیایوف رهبرلیگی‌ده افغانستان تینچلیک جریانی‌گه همکارلیک قیلیش اوچون علاقه‌سی کوپ دیر. بوندن آلدین اوزبیکستان نینگ اعلان قیلیشیچه، تینچلیک سوزلشوولریده طرف‌سیز شکلده رول اوینه‌ش گه حاضر دیر.
اوزبیکستان حکومتی طالبان گروهی و افغانستان حکومتی آره‌سیده تینچلیک سوزلشوولری گه میزبانلیک قیلیش گه تیارگرلیک‌لریدن خبر بیرگن برچاغده، طالبان گروهی افغانستان حکومتی بیلن ایرکین مذاکره باشلش گه هیچ‌قنده‌ی علاقه کورستمه‌گن. اولر افغانستان حکومتی‌نی آمریکا قوشمه ایالت‌لری تامانیدن تعیین ایتیلگن بیر حکومت دییدی و شو یوزه‌دن افغانستان حکومتی بیلن مذاکره قیلیش گه حاضر بولمه‌یدی.
باشقه تاماندن قطر تینچلیک سوزلشوولرینی ینگی دوری یولگه قوییلیش عره‌فه‌سیده گزارش بیریلیشیچه، افغانستان حکومتی طالبان گروهی بیلن تینچلیک خصوصیده مذاکره قیلیش اوچون بیر هیأت تشکیل ایتیلیشی توغریسیده سعی و حرکت قیلماقده. بیراق، اوشبو برنامه‌نی معلوماتی تشقری گه چیقمه‌گن.
شو توغریده…
افغانستان قیین‌چیلیگی حل بولمه‌یدی؛ تینچلیک‌دن کیینگی دورگه تیار بولینگ‌لر
