اوتگن ییل جریانیده، مملکت بویلب 572 قضیه‌گه باغلیق 624 کیشی مخدره ماده قاچاقی‌گه عیب‌لنیب قولگه آلینگن.
اوتگن (سه‌شنبه کون) مخدره ماده و جنایی جرم‌لرگه قرشی کوره‌شیش خاص قاره‌لاوچی‌نینگ عمومی باشلیغی یارمحمد حسین خیل، کابل‌ده بیر خبری ییغین اوتکزیب، مذکور اداره‌نینگ ییل‌لیک گزارشی‌نی ارایه ایتیش بیرچاغده ایتیشیچه، بو جمله‌دن تورت کیشی گناه‌سیز و باشقه‌لری جنایتچی تانیلگن.
جناب حسین‌خیل‌گه کوره، اوشبو جنایتچی‌لرگه 3 آی‌دن باشلب 20 ییل‌گچه قماق حکمی صادر ایتیلگن.
مخدره ماده و جنایی جرم‌لرگه قرشی کوره‌شیش خاص قاره‌لاوچی عمومی باشلیغی‌نینگ کوپه‌یتیریشیچه، جنایتچی‌لرنینگ آلدیدن، 122 مینگ دالر، 22 میلیون افغانی، 19 میلیون کلدار، 7 میلیون تومان و 3500 درهم عربی نقد پول قولگه کیریتیلگن.
امنیتی اداره‌لرنینگ کوچسیزلیگی توغری‌سیده حسین‌خیل‌نینگ ایتیشیچه، مملکت امنیتی اداره‌لری قاچاقچی‌لر خصوصیده بی فرق یانده‌شه‌دی.
مذکور اداره‌نینگ ییل‌لیک گزارشی رقمی اساسیده، اوتگن ییل‌ده، کابل، ننگرهار و قندهار ولایت‌لری مخدره ماده جنایی واقعه‌لرینی بیرینچی لایحه‌سیده قرار تاپگن، دیمک پنجشیر، وردک، دایکندی و پکتیکا ولایت‌لری مخدره ماده خصوصیده جنایت‌سیز تانیلگن.
