افغانستان ناتینچ جغرافیه صفتیده، 1396- ییل‌ده اینگ مهم امنیتی واقعه‌لرگه گواه بولدی و بو واقعه‌لر یوزلرچه گناه‌سیز کیشی‌نینگ حیاتی‌گه نقطه قویدی. بیزلر بو گزارش‌ده اینگ مهم واقعه‌لرنی ایسلب اوته‌میز.
قویاش 1396- ییل‌نینگ حمل آیی‌نی بیرینچی کونیده قندهار-هلمند قتناو یولیده بیرینچی خودکش هجوم یوز بیردی و نتیجه‌ده 14 کیشی هلاک و 6 کیشی یره‌لندی. اوندن سونگ، وزیراکبرخان عمومی جاده‌سیده کته بیر خودکش هجوم یوز بیردی و بو هجوم 80 دن آرتیق کیشی‌نینگ جانی‌نی آلدی و باشقه 347 کیشی یره‌لنتیردی. بو هجوم‌دن نیچه وقت اوتگنیدن سونگ، پارتلاوچی ماده دن توله بولگن بیر موتر ایچکی ایشلر وزیرلیگی‌نینگ سابق بِناسی یقینیده پارتله‌تیلدی و بو پارتلش‌ده هم 95 کیشی هلاک و باشقه 200 دن آرتیق کیشی یره‌دار بولدی.
ثور آیی بلخ ولایتیده 209 قول اردوسی هجوم گه دوچ کیلدی و مدافعه وزیرلیگی تامانیدن بیریلگن رقم اساسیده، بو هجوم ده 100 کیشی هلاک ایتیلگن، بیراق قطار میدیالر قربانلیک رقمی‌نی ایکی برابر دیدی و شونینگ‌دیک، جمهور رییس عمومی ماتم اعلان قیلدی.
جاری ییل‌نینگ جوزا آیی روزه‌نی 6- کونیده زنبق تورت یولیده کوچلی پارتلش یوز بیردی. بیرلشگن ملت‌لر تشکیلاتی، اوشبو واقعه‌ده هلاک ایتیلگن‌لرنینگ رقمی‌نی 92 و یره‌لنگن‌لرنینگ رقمی‌نی 500 کیشی اعلان قیلدی. اوشبو واقعه‌دن بیر کون اوتگنیدن سونگ، کابل یشاوچیلری کینگ ناراضیلیک نمایش‌گه قول اوردیلر، بیراق ارگ امنیتی کوچلری‌نینگ آتیشمه‌سیگه دوچ کیلدی و نتیجه‌ده 7 کیشی هلاک ایتیلدی. اوشه کون‌نی ایرته‌سی اعتراضچی‌لرگه قرشی حکومت تامانیدن آتیلگن اوق قربانلریدن بیری سالم ایزدیارنینگ جنازه مراسمی‌ده کیین مه کیین اوچ پارتلش یوز بیردی و بو مراسم‌ده جهادیلرنینگ باشلیغ‌لریدن کوپینچه‌سی اشتراک قیلگن ایدی و نتیجه‌ده ایسه 8 کیشی هلاک و 87 کیشی یره‌لندی.
اوشبو واقعه‌لردن سونگ، پکتیا پولیس قومندانلیگی هجوم گه دوچ کیلدی و بو هجوم‌ده 47 کیشی هلاک و باشقه 161 کیشی یره‌لنگن.
یوز بیرگن واقعه‌لرنی اصلی عاملی استخباراتی تشکیلات‌لرنینگ دقت سیزلیگی و کوچسیزلیگی، طالبان و داعش گروه‌لری‌نینگ اوروش تکتیکی اوزگریشی و سیاسی قره‌مه قرشی‌لیک‌لر دییلگن.
بیراق، خوفسیزلیک ایش بیلرمانلری یوز بیرگن واقعه‌لر توغریسیده بونده‌ی فکر بیلدیره‌دی.
افغانستان ایچکی ایشلر وزیرلیگی‌نینگ سابق اورین باسری میرزا محمد یارمندنینگ ایتیشیچه، افغانستان بحرانلی بیر مملکت دیر و «دوشمن‌لرنی تانیش» خصوصیده قرار آلینمه‌یدی. جناب یارمند، حکومت‌دن 1396- ییل امنیتی خطالردن درس آلیب و کیله‌جک ییل اوچون یخشی تدبیر آلیشی‌نی سوره‌یدی.
شونینگ‌دیک، حربی ایش بیلرمان کابل‌خان تدبیرنینگ ایتیشیچه، اوتگن ییل‌ده امنیتی کوچلر و استخباراتی تشکیلات‌لرنینگ کم‌چیلیک‌لری و خطالری بار ایدی و کیله‌جک ییل‌ده خطالر برطرف ایتیلیشی لازم و شونینگ‌دیک، بیشینچی ستون، مخبرلیک و باشقه موضوعلر جدی شکلده تیکشیریلیشی کیره‌ک.
اوشبو هجوملرنی یانیده، انترکانتیننتال هوتلی‌گه اویوشتیریلگن هجوم، قندهارده حربی قرارگاه اوستیگه اویوشتیریلگن هجوم، کابل‌ده شمشاد تلویزیونی اوستیگه اویوشتیریلگن هجوم، مارشال فهیم حربی بیلیم یورتی اونگیده یوز بیرگن هجوم، ننگرهار ملی رادیو-تلویزیونی اوستیگه اویوشتیریلگن هجوم، غزنی ولایتیده بیر مکتب ده یوز بیرگن پارتلش، امام‌زمان، الزهرا و هرات جامع مسجدلریده یوز بیرگن خودکش هجوملر و کابل‌ده عطامحمد نورنینگ طرافدارلری ییغینی یقینیده یوز بیرگن خودکش هجوم 1396- ییل‌ده کوپلب قان توککن.
شونینگ‌دیک، بیرلشگن ملت‌لر تشکیلاتی‌نینگ انسانی یاردملرنی اویغونلشتیرووچی اداره‌سی (اوچا) بیر گزارش ترقه‌تیب افغانستانده ناتینچلیک‌لر کوپه‌یگنیدن خواطر بیلدیریب ایتیشیچه، جاری ییل‌ده افغانستانده یوز بیرگن امنیتی واقعه‌لر اوتگن 9 ییل‌گه نسبتن 5 برابر کوپه‌یگن.
بیرلشگن ملت‌لر تشکیلاتی هم بیر گزارش ترقه‌تیب اوشبو ییل‌ده افغانستان وضعیتی‌نی خواطرلی دیدی.
شونینگ‌دیک، ننگرهار ولایتی‌نینگ اچین تومنیده امریکا کوچلری تامانیدن بیرینچی آتیلگن بمب‌لر آنه‌سی مهم امنیتی واقعه‌لردن سنله‌دی. بیریلگن گزارشلر اساسیده، اوشبو آتیلگن بمب نتیجه‌سیده یوزدن آرتیق جنگری داعش هلاک ایتیلگن. بیراق اوشبو آتیلگن بمب عکس‌العمل‌لرگه هم روپه‌ره بولدی. نماینده‌لر کینگشی اعضالریدن بیرقطاری، اونی عصیانچیلیک‌که قرشی کوره‌ش اوچون امریکانینگ جدیلیگی دیدی و باشقه بیرقطاری عکسینچه فکر بیلدیردی.
1396- ییل ده قوراللی طالب‌لرنینگ تهدیدلری اوجی گه ییتیشدی و کوپینچه تومن‌لر سقوط و سقوط عرفه‌سیده قرار تاپدی. قندوز، فراه، جوزجان، فاریاب و باشقه نیچه ولایتده جدی آتیشمه‌لر یوز بیردی و یوللر ترافیک یوزیگه یاپیلیشی‌گه سبب بولدی.
ملی مدافعه وزیرلیگی جاری ییل‌ده 926 حربی عملیات اوتکزگن. مدافعه وزیرلیگی سوزلاوچیسی دولت وزیری‌نینگ ایتیشیچه، اوشبو عملیات‌لر نتیجه‌سیده مینگ‌لرچه طالب هلاک ایتیلگن و باشقه 10 مینگ و 844 جنگری طالب یره‌لنگن. جناب وزیری گه کوره، هلاک ایتیلگن‌لرگه قوراللی طالب‌لرنینگ 375 قومندانی و داعش گروهی نینگ 72 قومندانی شامل دیر.
اونینگ ایتیشیچه، مملکت امنیتی کوچلری جاری ییل ده داعش و طالبان گروهی برنامه لری و مقصدلریدن کوپینچه سینی ناکام قالدیرگن و نیچه تومن نی طالب لرنینگ نظارتی دن چیقارگن.
جناب وزیری گه کوره، جاری ییل ده 2250 جنگری داعش هلاک ایتیلگن.
عین حالده، مملکت ایچکی ایشلر وزیرلیگی، 1396- ییل نی امنیتی کوچلر اوچون فرقلی ایدی دیب بیله دی. مذکور وزیرلیک سوزلاوچیسی نجیب دانش نینگ ایتیشیچه، اوتگن ییل‌لرگه نسبتن بو ییل دوشمن‌لرگه کوپلب تلفات ییتکیزیلگن.
جناب دانش‌نینگ کوپه‌یتیریشیچه، جاری ییل‌ده بوتون مملکت ده 18600 جنایی واقعه رویخط گه آلینگن و بو جمله‌دن 15500 واقعه کشف ایتیلیب تیکشیریلگن.
قویاش 1396- ییل‌ده جنایی جرملر اهالی اوچون امنیتی خواطرلردن باشقه بیری ایدی. مملکت باشکینتی خوفسیزلیک نقطه‌ی نظریدن یخشی بولیشی توغریسیده امیدلر کوپ ایدی، بیراق عکسینچه بو ییل‌ده کابل خودکش، پارتلش و کوپینچه جنایی واقعه‌لرگه گواه بولدی.
کابل شهری‌نینگ 15- حوزه‌سیگه تیگیشلی پنج‌صد فامیلی منطقه‌سیده بیر عایله‌نینگ 10 اعضاسی سِرلی شکلده اولدیریلگنی باشقه ناتینچلیک‌لر یانیده، مذکور شهر یشاوچیلری‌نینگ امیدی گه نقطه قویدی و کابل‌گه قوشیمچه باشقه ولایت‌لر هم کوپینچه جنایی واقعه‌لرگه گواه بولگن.
