اوتگن کون (پنج‌شنبه) مزاری مصلاسیده اویوشتیریلگن هجوم نتیجه‌سیده، 11 کیشی هلاک و باشقه 95 کیشی تن‌جراحتی کوتارگن.
سلام‌وطندارگه صحبت بیرگن ایچکی ایشلر وزیرلیگی‌نینگ سوزلاوچیلیک دفتری سرپرستی نصرت رحیمی‌نینگ ایتیشیچه، اوتگن کون کابل غربیده اسلامی بیرلیک حزبی نینگ سابق اعضاسی عبدالعلی مزاری نینگ ایسلش مراسمی‌ده اویوشتیریلگن هجوم نتیجه‌سیده، 3 عیال شامل 11 کیشی هلاک و 12 عیال شامل باشقه 95 کیشی تن‌جراحتی کوتارگن.
گرچند مذکور هجوم مسئولیتی نی داعش گروهی بوینیگه آلگن ایدی؛ بیراق ایچکی ایشلر وزیرلیگی سوزلاوچیسی‌نینگ ایتیشیچه، اوشبو وزیرلیک نینگ بیرینچی تدقیقاتی نی کورستیشیچه بو هجوم طالبان گروهی گه تیگیشلی بولگن.
اوشبو حادثه، اوتگن کون (پنج‌شنبه 17- حوت) توش‌ده کابل غربیده اسلامی بیرلیک سابق رهبری عبدالعلی مزاری نینگ ایسلش مراسمی مزاری مصلاسی نینگ یقینده بولگن بیر اویدن راکت آتیلیشی باعث یوز بیردی.
شو توغریده:
کابل‌ده عبدالعلی مزاری‌نینگ اولیمی‌نی 24- ییل‌لیگی نشانلندی
مزاری‌نی ترور ایتیلگن ایامی‌دن نشانلش؛ حکومت عیب‌دار دیر
مذکور مراسم‌ده اجراییه باشلیغی عبدالله عبدالله، سابق جمهور رئیس حامد کرزی، جمهورلیک ریاستی کاندیدی محمدحنیف اتمر، افغانستان اسلامی بیرلیک حزبی نینگ رهبری محمد محقق، تشقی ایشلر وزیرلیگی سرپرستی صلاح‌الدین ربانی و قطار سیاسی سیمالر اشتراک قیلگن ایدیلر.
اوشبو هجوم‌ده، جمهورلیک ریاستی سیلاوی نامزدلریدن عبدالطیف پدرام ینگیل جراحت کوتارگن ایدی.
اوتگن کون ایچکی ایشلر وزیرلیگی مزاری نینگ ایسلش مراسمی اوستیگه راکت آته‌دیگن کیشی نی قولگه آلینگنیدن خبر بیریب و شونینگدیک اوشبو حادثه گه قولی بولگن باشقه 2 کیشی تانیلیب و 7 ساعتلیک قمرودن کیین هلاک بولگنی نی ایتگن ایدی.
