افغانستان‌لیک مهاجرلرنی ایران مملکتی‌دن چیقاریش پروسه‌سی حاضرهم کوپه‌یماقده.
هرات مهاجرلر ریاست مسئوللری نینگ بیاناتی اساسیده، هر کون ۵۰۰ دن آرتیق کیشی ایران مملکتی‌دن هرات ولایتی نینگ اسلام قلعه چیگره‌سیده سورگون ایتیله‌دی.
هرات مهاجرلر ریاست باشلیغی جاوید نادم نینگ سلام‌وطندارگه ایتیشیچه، اوتگن اوچ آیده عیاللر و باله‌لر شامل کمیده ۲۲ مینگ افغانستان یشاوچیسی ایران دن اسلام‌قلعه چیگره‌سیده سورگون ایتیلگن.
ینگی‌لیکده ایران دن هرات ولایتی نینگ اسلام‌قلعه چیگره‌سیده سورگون ایتیلگن مهاجرلردن قطاری، ایران‌لیک عسکرلر و ایشلاوچیلرنینگ حرکت‌لریدن جدی تنقید قیلیشگن.
۵۵ یاشر غلام صدیق ایران ده ۷ آی ایشله‌گندن کیین ینگی‌لیکده هرات گه سورگون ایتیلگن.
اوشبو ایرکک ایران‌لیک عسکرلر و ایشلاوچیلرنینگ حرکتی‌دن تنقید قیلگن.
عین حالده، هرات مدنی فعاللریدن بیری جاوید حمید نینگ ایشانچی گه کوره، ایران حکومتی افغانستان حکومتی نینگ باسیم آستیده آلماقچین بولسه، افغانستان‌لیک مهاجرلردن سیاسی بیر وسیله صفتیده فایده‌لنه‌دی.
افغانستان‌لیک مهاجرلر ایران دن زوردن چیقاریلیشی توغریسیده خواطرلر کوپه‌یگن بیر حالده، اوتگن کون خلق‌ارا مهاجرلیک تشکیلاتی میلادی ۲۰۲۰- ییل نینگ بیرینچی ۸ آیی‌ده ۴۴۷ مینگ افغانستان‌لیک مهاجر ایران دن افغانستان گه قیتگنی نی اعلام قیلگن ایدی.
بو تشکیلات بیر اعلامیه آرقه‌لی ایتیشیچه، مذکور مهاجرلر ۱- جنوری دن ۱۵- آگست گچه ایران دن قیتگن و بو افغانستان‌لیک مهاجرلر ایران دن افغانستان گه قیتیش پروسه‌سی نینگ ۷۱ فایز کوپه‌یگنی نی کورسته‌دی.
بو اعلامیه اساسیده، اوشبو مهاجرلر نیمروز و اسلام‌قلعه بندرلری آرقه‌لی افغانستان گه کیرگن و اوتگن هفته جریانیده خلق‌ارا مهاجرلیک تشکیلاتی حجت‌سیز یوزلرچه مهاجر گه انسان‌دوستلیک یاردم‌لر ترقتگن.
شونینگدیک هرات بوییچه ایران قنسولگرلیگی، پاسپورت بولمه‌گن هر بیر افغانستان یشاوچیسی بو مملکتدن چیقاریلیشی نی ایتگن ایدی.
