.jpg)
د برازیل په کوربتوب د ۲۰۱۶ کال ریو المپیک سیالیو په ۹ مه ورځ انګلستان له چین هېواد نه مخکې شو، خو امریکه لاهم په دې سیالیو کې لومړۍ مقام لري.
د سیالیو د رسمي وېبپاڼې د معلوماتو له مخې، د انګلستان لوبغاړو په بېلابېلو ورزشي رشتو کې ریکارډ ۵ نور د سرو زرو مډالونه وګټل او په دې سره چین د لومړي ځل له پاره په روانو المپیک سیالیو کې له دویم مقام څخه ګوزار شو.
انګلستان د خپلو سرو زرو مډالونو شمېر ۱۵ ته ورسولو.
د انګلستان له پاره انډي موري د المپیک سیالیو په تاریخ کې هغه لومړی لوبغاړی شو، چې په نارینه ټینس سیالیو کې دوه ځلې د سرو زرو مډال وګاټه.
.jpg)
د روانو ریو المپیک سیالیو په ۹ مه ورځ د جمیکا له پاره مشهور ځغاسته کوونکي اوسین بولټ د ۱۰۰ مترو واټن په ۹ اشاریه ۸۱ ثانیو کې وواهه او د سرو زرو مډال وګاټه.
اوسین بولټ د ۲۰۰۸ او ۲۰۱۲ کلونو المپیک سیالیو د فاعي اتل و، چې په ۱۰۰ ، ۲۰۰ او ۴ ضرب د ۱۰۰ مترو واټن کې له خپلو اتلولیو دفاع وکړه.
جمکایي لوبغاړي بیا په روانو ریو المپیک سیالیو کې ۳ ځلې د سرو زرو مډالونه وګټل.
.jpg)
دغه راز د سویلي افریقې ځغاسته کوونکي ویډ نیکریک د امریکایي مایکل جانس ۱۷ کلن ریکارډ هغه مهال مات کړ، چې په ۴۳ اشاریه ۳ ثانیو کې د ۴۰۰ متره واټن وواهه او د سرو زرو مډال یې خپل کړ.
د روانو ریو المپیک سیالیو په دوام امریکه لاهم له پیله تراوسه مخکښه هېواد دی، چی ۶۹ مډالونه یې ګټلي دي.
دغه راز د المپیک په روانو سیالیو کې امنیتي ستونزو لوبغاړي اندیښمن کړي، چې په د لوبو په لسمه ورځ د امریکې د لامبو وهنې د سرو زرو مډال ګټوونکي راین او د دې لوبډلې ۳ نور غړي د نامعلومه کسانو لخوا لوټ شول.
